პოლონელი ლექტორის ყოფილმა მეუღლემ სიცოცხლე თვითმკვლელობით დაასრულა

პოლონელი ლექტორის ყოფილმა მეუღლემ სიცოცხლე თვითმკვლელობით დაასრულა

საბერძნეთში პოლონელი ლექტორის მკვლელობის გახმაურებული საქმის ახალი დეტალები ვრცელდება.

გავრცელებული ინფორმაციის თანახმად მოკლული კაცის ყოფილმა მეუღლემ შვილებს გამოსამშვიდობებელი წერილი დაუტოვა და ქალთა სასჯელაღსრულების დაწესებულებაში თავი მოიკლა.

ქალმა საკნის სააბაზანოში, თეთრეულის გამოყენებით ჩამოიხრჩო თავი. 

შეგახსენებთ, რომ ის პატიმრობაში 2025 წლის ივლისიდან იმყოფებოდა.

თვითმკვლელობამდე დატოვებულ წერილში მან შვილებს უთხრა თუ როგორ ამაყოფს თითოეული მათგანით და სთხოვა არასდროს დაევიწყებინათ ის. გაიხსენა ოჯახთან ერთად გატარებულ დღესასწაულები და ბედნიერ მომენტები და ბოლოს პატიება ითხოვა იმ ტკივილისთვის, რომელიც მათ მიაყენა.

შეგახსენებთ, რომ ქალი პოლონელი ლექტორის პშემისლავ იეზიორსკის მკვლელობის საქმესთან დაკავშირებით დააკავეს. პროფესორი ათენის გარეუბანში 2025 წლის ივლისში მოკლეს. გამოძიების ფარგლებში დაკავებული იყო ხუთი პირი, მათ შორის პროფესორის ყოფილი მეუღლე. ბრალდების მიხედვით, მკვლელობის უშუალო შემსრულებელი ქალის 35 წლის პარტნიორი იყო.

პროფესორს და მის ყოფილ მეუღლეს წლების განმავლობაში ჰქონდათ დავა შვილების მეურვეობისა და საერთო ბიზნესაქტივების საკითხებზე. გამოძიების ვერსიით, კონფლიქტი საბოლოოდ ტრაგედიით დასრულდა.

ქალის გარდაცვალების შემდეგ პროფესორის ოჯახის ადვოკატმა განაცხადა, რომ ყველაზე მძიმე შედეგი ორი არასრულწლოვანი ბავშვის მდგომარეობაა, რომლებმაც უკვე ორივე მშობელი დაკარგეს. ამ დროისთვის ბავშვები სპეციალურ დაწესებულებაში იმყოფებიან, ხოლო სასამართლო გადაწყვეტს, ვინ აიღებს მათზე მეურვეობას.

ეს საქმე ბოლო წლების ერთ-ერთ ყველაზე გახმაურებულ კრიმინალურ მოვლენად რჩება საბერძნეთში და კვლავ იწვევს ფართო საზოგადოებრივ ინტერესს.