Latest news
საბერძნეთის პოლიცია 28 მილიონიანი საგადასახადო თაღლითობის საქმეს იძიებს ბულინგის მსხვერპლი 14 წლის მოზარდი თანაკლასელებზე შურისძიების მიზნით იარაღის შეძენის ფაქტზე დააკავეს ნევროკოპი: საბერძნეთის ყველაზე ცივი რეგიონი, სადაც აგვისტოშიც კი ტემპერატურა 8,8 გრადუსს არ სცდება საბერძნეთი: 25 ნოემბერს საყოველთაო გაფიცვა გამოცხადდა საგზაო მოძრაობის კოდექსი: სიახლეები ჯარიმების, მართვის მოწმობის ჩამორთმევისა და ახალბედა მძღოლებისთვ... სალონიკი შობისთვის ემზადება: შუშის ჭაღები, 56 ხის სახლი და გრანდიოზული კონცერტები OpenCar: ავტომობილის ნომრით შესაძლებელი იქნება გარბენის, ტექინსპექტირებისა და დაზღვევის შემოწმება პედიონ ტუ არეოსის პარკი საშობაოდ მორთეს ათენის მერი კიფსელის „წითელ ზონაში“ მოქცეული კორპუსების უსაფრთხოებაზე შეშფოთებას გამოთქვამს და მოსახ... ვრცელდება კადრები რომელშიც 24 წლის ქალის მკვლელობაში ეჭვმიტანილი ჩემოდნით ხალშია დაფიქსირებული
კვირა, ნოემბერი 22, 2026
საბერძნეთიბუნებრივი მოვლენები

საბერძნეთის ეროვნული მეტეოროლოგიური სადგური: ამინდის პროგნოზი შაბათ-კვირისთვის

საბერძნეთის ეროვნული მეტეოროლოგიური სადგური: ამინდის პროგნოზი შაბათ-კვირისთვის

ატმოსფეროში საჰარის უდაბნოდან გადმოტანილი მტვრის გავრცელება გრძელდება. წვიმისა და ჭექა-ქუხილის ფონზე ქვეყნის რამდენიმე რეგიონში მოსალოდნელია ტალახიანი წვიმა.

კვირას, 11 ოქტომბერს, აფრიკული მტვერი ძირითადად ქვეყნის კონტინენტურ ნაწილს მოიცავს და დასავლეთიდან აღმოსავლეთისკენ გადაადგილდება. ყველაზე მეტად მოსალოდნელია მისი გავრცელება პელოპონისოზე, ცენტრალურ საბერძნეთში, თესალიის ნაწილში, ევიასა და სპორადების კუნძულებზე. მტვრის ყველაზე მაღალი კონცენტრაცია ევიაზეა ნავარაუდები, თუმცა პროგნოზის თანახმად, ჰაერში მტვრის ნაწილაკების დონე კრიტიკულ ზღვარს არ გადააჭარბებს.

მტვრისა და ნალექის შერევის შედეგად ტალახიანი წვიმა მოსალოდნელია იონიის კუნძულებზე, პელოპონისოზე, ცენტრალურ საბერძნეთში, თესალიაში, იპიროსზე და დასავლეთ მაკედონიაში.

ორშაბათს, 12 ოქტომბერს საჰარის მტვრის გავრცელება ძირითადად ეგეოსის ზღვის კუნძულებსა და კრეტაზე იქნება მოსალოდნელი. ტალახიანი წვიმა შესაძლოა მოვიდეს მაკედონიაში, ჩრდილოეთ ეგეოსის კუნძულებსა და დოდეკანისას არქიპელაგზე.

კოპერნიკის ატმოსფეროს მონიტორინგის სამსახურის პროგნოზით, მტვრის გავრცელების ინტენსივობა თანდათან შემცირდება და ორშაბათს, დღის მეორე ნახევარში, მისი გავლენა მნიშვნელოვნად შესუსტდება.

ტალახიანი წვიმა წარმოიქმნება მაშინ, როდესაც წვიმის წვეთები ატმოსფეროში ჩრდილოეთ აფრიკიდან მოხვედრილ მტვრისა და ქვიშის მიკროსკოპულ ნაწილაკებში ირევა. მტვერნარევი წვიმის შედეგად ავტომობილებზე, ფანჯრებზე, აივნებსა და სხვა გარე ზედაპირებზე ტალახის მსგავსი კვალი რჩება.

ამასთან, წვიმა ატმოსფეროს ნაწილობრივ ასუფთავებს და ჰაერიდან მტვრის ნაწილაკებს გამოდევნის

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *