საბერძნეთის უნივერსიტეტებში მისაღებ მინიმალურ ზღვართან დაკავშირებით პირველადი პროგნოზი გამოქვეყნდა
საბერძნეთის უნივერსიტეტებში მისაღებ მინიმალურ ზღვართან დაკავშირებით პირველადი პროგნოზი გამოქვეყნდა
საბერძნეთის განათლების სამინისტროს მიერ ეროვნული გამოცდების შედეგებისა და სტატისტიკური მონაცემების გამოქვეყნების შემდეგ, სპეციალისტებმა 2026-2027 სასწავლო წლისთვის უნივერსიტეტებში ჩარიცხვის მინიმალური ზღვარის (ΕΒΕ) პირველადი პროგნოზი გამოაქვეყნეს.
შეფასების მიხედვით, ჰუმანიტარულ და ეკონომიკის მიმართულებებზე გამსვლელი ქულები შემცირდება, ხოლო საბუნებისმეტყველო, საინჟინრო და ჯანდაცვის მიმართულებებზე გაიზრდება.
ექსპერტების პროგნოზით, სამედიცინო ფაკულტეტებზე ჩასარიცხად საჭირო ქულა დაახლოებით 200-250 ქულით მოიმატებს, ხოლო ტექნიკურ და საინჟინრო სპეციალობებზე ზრდა კიდევ უფრო შესამჩნევი იქნება.
სპეციალისტების შეფასებით, მინიმალური ზღვარის მოქმედების გამო, საბერძნეთის სახელმწიფო უნივერსიტეტებში წელს 10 000-ზე მეტი ადგილი შესაძლოა კვლავ სტუდენტების გარეშე დარჩეს.
აბიტურიენტებისთვის შემდეგი ეტაპი სპეციალობების არჩევისა და განაცხადის შევსებაა. პირადი კოდის მიღების ბოლო ვადა 30 ივნისია.
