საბერძნეთი: მეცხოველეებისთვის ზიანის ასანაზღაურებლად სახელმწიფო 4,2 მილიონ ევროს გამოყოფს
საბერძნეთი: მეცხოველეებისთვის ზიანის ასანაზღაურებლად სახელმწიფო 4,2 მილიონ ევროს გამოყოფს
საბერძნეთის სოფლის მეურნეობის განვითარებისა და სურსათის სამინისტრო 176 მეცხოველეობის ფერმას, რომელთა ცხოველებიც ინფექციური დაავადებების გამო სავალდებულოდ განადგურდა, ჯამში 4,2 მილიონი ევროს კომპენსაციას გადაუხდის.
კომპენსაცია შეეხება 75 316 ცხოველს, რომლებიც ცხვარ-თხის ყვავილისა და კუნძულ ლეზვოსზე დაფიქსირებული ფეხისა და პირის დაავადების გავრცელების გამო გაანადგურეს.
ყველაზე დიდი თანხა 2,84 მილიონი ევრო კუნძულ ლეზვოსზე მდებარე 73 ფერმას გადაერიცხება, ხოლო დანარჩენი 1,38 მილიონი ევრო შვიდი რეგიონის 103 მეურნეობას მოხმარდება, რომლებიც ცხვარ-თხის ყვავილით დაზარალდნენ.
სამინისტროს ინფორმაციით, გადარიცხვები უკვე დამტკიცებულია და თანხები ბენეფიციართა საბანკო ანგარიშებზე მომდევნო 1-2 სამუშაო დღეში ჩაირიცხება. ხელისუფლება აცხადებს, რომ მეცხოველეობის სექტორის მხარდაჭერა და ცხოველთა დაავადებების წინააღმდეგ ბრძოლა ქვეყნის ერთ-ერთ მთავარ პრიორიტეტად რჩება.
