საბერძნეთი ხაფტარის ქმედების შემდეგ პოლიტიკური თავშესაფრის გაცემის წინაპირობებს ამკაცრებს
საბერძნეთი ხაფტარის ქმედების შემდეგ პოლიტიკური თავშესაფრის გაცემის წინაპირობებს ამკაცრებს
ლიბიელი ოფიცერის, ხალიფა ხაფტარის ქმედების შემდეგ, რის გამოც მიგრაციის საკითხებში ევროკომისრის, მაგნუს ბრუნერის, საბერძნეთის ემიგრაციის მინისტრის თანოს პლევრისის და იტალიისა და მალტას შინაგან საქმეთა მინისტრების შეხვედრა ვერ შედგა, საბერძნეთის რესპუბლიკა პოლიტიკური თავშესაფრის მინიჭების წინაპირობების გამკაცრების პროცესს აჩქარებს.
საბერძნეთის ხელისუფლების მიერ გაკეთებული განაცხადის თანახმად ევროპა უკვე ვეღარ შეძლებს თვალი დახუჭოს პოლიტიკური თავშესაფრის მარტივად გაცემის საკითხზე.
თანოს პლევრისი აცხადებს, რომ აღარ არის დრო საემიგრაციო პოლიტიკის გამკაცრების გადასადებად. ემიგრაციის მინისტრს საბერძნეთის პრემიერ მინისტრიც ეთანხმება, რომელიც ყოველდღიურად ხედავს კუნძულ კრეტაზე ნავებით შემოსულ იძულებით გადაადგილებულ პირებს.
პოლიტიკის გამკაცრება ითვალისწინებს:
- ლიბიის სანაპიროდან კრეტაზე ჩასულ იძულებით გადაადგილებულ პირებს არ ექნებათ პოლიტიკური თავშესაფრის მოთხოვნის უფლება და ისინი ავტომატურად მოხვდებიან ადმინისტრაციულ პატიმრობაში. აღნიშნული გადაწყვეტილების მთავარი მიზანია გაიგზავნოს ლიბიაში პოლიტიკური მესიჯი, რომ საზღვრის გადმოკვეთის შემდეგ იძულებით გადაადგილებული პირები ვერ შეძლებენ ევროპაში გზის გაგრძელებას.
