საბერძნეთში რეგიონული ტელევიზიები პირველად მიიღებენ ოფიციალურ ლიცენზიებს
საბერძნეთში რეგიონული ტელევიზიები პირველად მიიღებენ ოფიციალურ ლიცენზიებს
საბერძნეთის პარლამენტმა ახალი კანონი მიიღო, რომელიც 28-წლიანი „დროებითი ლეგალურობის“ რეჟიმს ასრულებს და რეგიონული ტელევიზიების საქმიანობას საბოლოოდ არეგულირებს.
ახალი კანონის მიხედვით, ქვეყანაში მოქმედი 81 რეგიონული ტელეარხი ვალდებული იქნება:
- მაუწყებლობა მაღალი გარჩევადობით (HD) აწარმოოს;
- დააკმაყოფილოს მკაცრი ტექნიკური და ხარისხობრივი სტანდარტები;
- მიიღოს 10-წლიანი ოფიციალური ლიცენზია.
მნიშვნელოვანი სიახლეა ის, რომ უქმდება ძველი აუქციონების სისტემა და ლიცენზიების გაცემა მხოლოდ ხარისხობრივი და პროფესიული კრიტერიუმების საფუძველზე მოხდება.
ლიცენზირების პროცესს განახორციელებს მაუწყებლობის ეროვნული საბჭო, ხოლო ტექნიკურ ნაწილზე პასუხისმგებელი იქნება საბერძნეთის ტელეკომუნიკაციების კომისია.
პირველი კონკურსი 2026 წლის სექტემბერში გამოცხადდება. პარალელურად, საბერძნეთის მთავრობა უკვე ემზადება რადიოსადგურების ლიცენზირების პროცესის დასაწყებადაც, რათა მედიის სფეროში არსებული მრავალწლიანი სამართლებრივი გაურკვევლობა საბოლოოდ დასრულდეს.
