ხანძარი განახლდა მანდრაში და დერვენოხორიაში-მდგომარეობა ტრაგიკულია

ამ დროისთვის ხანძარი უკონტროლოდ მძვინვარებს მანდრაში და დერვონოხორიაში, სადაც ცეცხლი ხელახლა გაჩაღდა.

გავრცელებული ცნობით, ხანძარი უკონტროლოა, ხოლო ნეა ზოის დასახლებაში პირველი სახლები იწვის. ხელისუფლება მოუწოდებს  დასახლებებსა და მონასტრებს დატოვონ საშიში ტერიტორია.

სამოქალაქო დაცვა მოუწოდებს ნეა ზოისა და ნეო პონტოს ელეფსინის მცხოვრებლებს, რომლებიც რჩებიან ადგილზე, შეასრულონ ხელისუფლების მითითებები და დატოვონ სახლები. შემთხვევის ადგილზე საპოლიციო ძალებიც ძლიერდებიან, რათა მოქალაქეები გაიყვანონ.

ხანძრის გავრცელების საშიშროების გამო მანდრას ნეა ზოის დასახლებაში მცხოვრებ მოსახლეობას ტერიტორიის ევაკუაციისთვის 112-ის შეტყობინება გაეგზავნა. ამავდროულად, სახანძრო დეპარტამენტმა მოსახლეობას მოუწოდა, გაემართნენ სამხრეთით ელეფსინასა და ზღვისკენ.

ასევე,მანდრასკენ მიმავალ გზებზე მოძრაობა შეჩერებულია . აღნიშნულია, რომ გაცემულია ბრძანება მოსახლეობის ევაკუაციის შესახებ დასახლებებიდან : პალეოხორი, პანორამა, პურნარია და აგია სოტირა.