სალონიკი: 20 წლის გოგოს რუტინული ოპერაციის პროცესში მძიმე დამწვრობა მიაყენეს
სალონიკი: 20 წლის გოგოს რუტინული ოპერაციის პროცესში მძიმე დამწვრობა მიაყენეს
სალონიკში 20 წლის გოგო ამტკიცებს, რომ კუდუსუნის კისტის ამოღების ოპერაციის დროს სამედიცინო შეცდომის შედეგად მესამე ხარისხის დამწვრობა მიიღო. მისი თქმით, ოპერაციის მიმდინარეობისას გამოყენებულმა სითხემ და ელექტროქირურგიულმა აპარატმა ძლიერი დამწვრობა მიაყენა.
პაციენტი თავდაპირველად ექიმებმა დაარწმუნეს, რომ დაზიანება მსუბუქი იყო, თუმცა მოგვიანებით ჩატარებულ გამოკვლევებზე დაყრდნობით სპეციალისტებმა მესამე ხარისხის დამწვრობა დაუდგინეს. დაზარალებულის თქმით მას კანის გადანერგვის ოპერაცია დასჭირდა, ოპერაციის შემდეგ კი ხანგრძლივი მკურნალობა. ამ დროისთვის მას კვლავ უჭირს დამოუკიდებლად გადაადგილება.
დაზარალებულის ადვოკატის განცხადებით, საქმეზე ყველა პასუხისმგებელი პირის წინააღმდეგ დაიწყება სამართლებრივი პროცედურები. მისი თქმით, ახალგაზრდა ქალს მიღებული დაზიანებების გამო პროფესიული საქმიანობის გაგრძელებაც გაუჭირდება.
საავადმყოფოს ადმინისტრაციამ განაცხადა, რომ მომხდართან დაკავშირებით დაწყებულია ოფიციალური ადმინისტრაციული გამოძიება.
