სკიათოს: რატომ აღიძრა ბრიტანელი ტურისტის წინააღმდეგ საქმე
სკიათოს: რატომ აღიძრა ბრიტანელი ტურისტის წინააღმდეგ საქმე
საბერძნეთში კუნძულ სკიათოსზე პოლიციამ 39 წლის ბრიტანელი ტურისტი დააკავა, რომელსაც არასრულწლოვანი შვილის საფრთხეში ჩაგდება, სახელმწიფო სამსახურის მუშაობის შეფერხება და პოლიციის თანამშრომლებისთვის წინააღმდეგობის გაწევა ედება ბრალად.
ადგილობრივი მედიის მიერ გავრცელებული ინფორმაციის თანახმად, ქალი ოთხშაბათს 15 წლის ქალიშვილთან ერთად ექსკურსიაზე იმყოფებოდა, სადაც ორივემ ალკოჰოლი მიიღო. ღამით სასტუმროში დაბრუნების შემდეგ ნასვამმა ქალმა სასტუმროს ინვენტარის დაზიანება დაიწყო, რის გამოც ადგილზე პოლიცია გამოიძახეს.
პოლიციელებმა ქალი და მისი ქალიშვილი კუნძულის ჯანმრთელობის ცენტრში გადაიყვანეს, თუმცა იქაც აგრესიული ქცევა გამოავლინა, რის შემდეგადაც მისი დაკავების გადაწყვეტილება მიიღეს პოლიციის თანამშრომლებმა. დაკავებულმა დააზიანა დაწესებულების ქონება, წინააღმდეგობა გაუწია პოლიციელებს და დაკავების პროცესში მათთან ფიზიკური დაპირისპირებაც სცადა.
ინციდენტთან დაკავშირებით დაიწყო გამოძიება.
