ხანია: შემზარავი მკვლელობა ადგილობრივ დღესასწაულზე

ხანია: შემზარავი მკვლელობა ადგილობრივ დღესასწაულზე

26 ოქტომბერს კუნძულ კრეტაზე, კერძოდ ხანიაში, ელოს კისამუში მომხდარი მკვლელობის საქმესთან დაკავშირებით ახალი დეტალები ვრცელდება. 

52 წლის კაცი ადგილობრივ დღესასწაულზე მისმა ნათესავმა ათობით ადამიანის თვალწინ გამოასალმა სიცოცხლეს.

გავრცელებული ინფორმაციის თანახმად მკვლელობაში ბრალდებული 23 წლის ახალგაზრდაა, რომელიც გარდაცვლილის პირველი ხაზის ნათესავია.

ჩხუბის მიზეზი პირადი და ოჯახური გაუგებრობა გახდა. 

კაცი 26 ოქტომბერს საღამოს 18:00 საათზე ადგილობრივი დღესასწაულის მსვლელობის დროს სოფლის მთავარ მოედანზე მოკლეს. კაცი მის თანასოფლელებთან ერთად ცეკვავდა, როცა 23 წლის ბიჭი მიუახლოვდა და მკერდის არეში ესროლა. 

მოწმეები აცხადებენ რომ სულ 3 გასროლის ხმა გაიგეს. 

ადგილზე იმყოფებოდა ექიმი და პოლიციელი, რომლებმაც სასწრაფო დახმარების მოსვლამდე დაშავებულს პირველადი სამედიცინო დახმარება აღმოუჩინეს. დაშავებული სასწრაფო დახმარების ბრიგადამ ჯერ კისამუს კლინიკაში, შემდეგ კი ხანიას გენერალურ საავადმყოფოში გადაიყვანა, თუმცა ექიმებმა მისი გადარჩენა ვერ შეძლეს.

23 წლის ბიჭი პოლიციას ჯერ არ დაუკავებია, თუმცა გავრცელებული ინფორმაციის თანახმად ის უკვე დაუკავშირდა ნათესავებს და აპირებს რომ თავად ჩაბარდეს პოლიციას.