საბერძნეთის უზენაესი სასამართლოს ხელმძღვანელები აირჩიეს
საბერძნეთის უზენაესი სასამართლოს ხელმძღვანელები აირჩიეს
საბერძნეთის მინისტრთა საბჭომ, იუსტიციის მინისტრის, ღიორღოს ფლორიდისის ხელმძღვანელობით უზენაესი სასამართლოს ახალი ხელმძღვანელები აირჩია.
სასამართლოს პრეზიდენტად ოთხი წლის ვადით 62 წლის პანაიოტის ლიბეროპულოსი დაინიშნა, ხოლო მთავარი პროკურორის თანამდებობას მომდევნო ორი წლის განმავლობაში ევანგელოს ბაკელასი დაიკავებს.
პანაიოტის ლიბეროპულოსი სასამართლო სისტემაში 1993 წლიდან მუშაობს. იგი 2023 წელს უზენაესი სასამართლოს მოსამართლე გახდა, 2025 წელს კი ვიცე-პრეზიდენტის თანამდებობა დაიკავა. მას ასევე აქვს სამართლის, პოლიტიკური მეცნიერებებისა და საჯარო მმართველობის მიმართულებით აკადემიური განათლება და მრავალწლიანი პედაგოგიური და სამეცნიერო საქმიანობის გამოცდილება.
ევანგელოს ბაკელასი პროკურატურაში 1991 წლიდან მსახურობს, ხოლო 2024 წელს არეოს პაგოსის პროკურორის მოადგილედ დაინიშნა. იგი ცნობილია მაღალი პროფესიული რეპუტაციით, ასწავლის მოსამართლეთა ეროვნულ სკოლაში და აქტიურად მონაწილეობდა როგორც საკანონმდებლო, ისე სამეცნიერო საქმიანობაში.
ორივე კანდიდატი წინასწარი შერჩევის ეტაპზე ყველაზე მეტი მხარდაჭერით გამოირჩეოდა როგორც კოლეგების ფარული კენჭისყრის, ასევე პარლამენტის პრეზიდენტთა კონფერენციის შეფასების შედეგად.
