აგვისტოს სავსემთვარეობის აღსანიშნავად არქეოლოგიურ ობიექტებზე და მუზეუმებში შესვლა უფასო იქნება

აგვისტოს სავსემთვარეობის ღამეს, რომელიც წელს ორჯერ გამოჩნდება- აგვისტოს პირველ ღამეს (1/8) და ბოლო (31/8) ღამეს, საბერძნეთის კულტურის სამინისტრო და სიძველეთა და კულტურული მემკვიდრეობის გენერალური დირექტორატი  წელსაც, როგორც ყოველ წელს, არქეოლოგიურ და ისტორიულ  ობიექტებზე, ძეგლებსა და მუზეუმებზში, მთელი ქვეყნის მასშტაბით უფასო შესვლით და კულტურული ღონისძიებების მოწყობით აღნიშნავენ.

ღონისძიებები ჩატარდება აგვისტოს სავსემთვარეობის ორ ღამეს-სამშაბათს (დღეს) 1-ელ და ხუთშაბათს 31 აგვისტოს, ასევე 30 აგვისტოს 50 არქეოლოგიურ ობიექტში, ძეგლსა და მუზეუმში მთელი ქვეყნის მასშტაბით.

აღნიშნული ღონისძიების ფარგლებში ჩატარდება  მუსიკალური და თეატრალური წარმოდგენები,  მოეწყობა ხელოვნების ნიმუშების  გამოფენები, ვარსკვლავების ყურების საღამოები, ოპერის საღამოები და ა.შ.

არქეოლოგიური ძეგლები და მუზეუმები საზოგადოებას უფასო შესვლით 20:00 საათიდან 24:00 საათამდე შუალედში უმასპინძლებენ.