თესალონიკი: დააკავეს 50 წლის მამაკაცი, რომელიც პარკში სამხედრო ფორმით და თვითნაკეთი ხმლით გადაადგილდებოდა
სისხლის სამართლის სასამართლომ ექვსთვიანი პატიმრობა მიუსაჯა 50 წლის მამაკაცს, რომელიც გასულ სამშაბათს, საღამოს, დაახლოებით 21:15 საათზე, თესალონიკის აგიოს ნექტარიოს ტერიტორიაზე მდებარე პარკთან სამხედრო ფორმაში და ჩექმებში ჩაცმული და შენიღბული, თვითნაკეთი ხმლით ხელში გადაადგილდებოდა.
ამ უჩვეულო სურათმა მშობლების და ბავშვების შიში გამოიწვია, რომლებიც იმ დროს მიმდებარე მოედანზე თამაშობდნენ.
გამვლელებმა და ტერიტორიის მცხოვრებლებმა, რომლებმაც მამაკაცი დაინახეს, ფაქტის შესახებ სასწრაფო მოქმედების ცენტრს შეატყობინეს.
ადგილზე დაუყოვნებლივ მისულმა პოლიციის ჯგუფმა მაშინვე დაიწყო ტერიტორიის ჩხრეკა, რა დროსაც ბრალდებულმა, როდესაც მიხვდა რომ დააკავებდნენ, ხმალი გამვლელ მანქანას ჩაუგდო. დაკავებული პოლიციის განყოფილებაში ხელბორკილებით მიიყვანეს.
როგორც ოფიცერმა აჩვენა, ხელნაკეთი ხმალი დამზადებული იყო ლითონის ძალიან ბასრი ზოლისგან, რომელსაც შეეძლო სხეულისთვის სერიოზული ზიანის მიყენება.
თავის განცხადებაში ბრალდებული არადამაჯერებლად უარყოფდა, რომ ხმლით დადიოდა და აცხადებდა, რომ ბასრი იარაღი მას არ ეკუთვნოდა.
