ავტომანქანა 40 წლის კურიერს შეეჯახა და ადგილიდან მიიმალა

ავტომანქანა 40 წლის კურიერს შეეჯახა და ადგილიდან მიიმალა

კვირას ღამით ვოლოსში, კერძოდ იანნი დიმუსა და კიპრუს ქუჩების კვეთაზე ავტოსაგზაო შემთხვევა დაფიქსირდა, რომლის შედეგადაც 40 წლის კურიერი დაშავდა.

ტელემაუწყებელი ΕΡΤ-ის მიერ გავრცელებული ინფორმაციის თანახმად კურიერი კიპრუს ქუჩაზე მოტოციკლეტით გადაადგილდებოდა, როცა ავტომანქანამ საგზაო უპირატესობის წესი დაარღვია და მოტოციკლეტისტს შეეჯახა.

შეჯახების შედეგად კურიერი ადგილიდან მოწყდა და ასფალტზე დაენარცხა. ვარდნის შედეგად კი მძიმედ დაშავდა.

იმის ნაცვლად რომ მძღოლს ავტომანქანა შეეჩერებინა და დაშავებულს დახმარებოდა სიჩქარეს უმატა და ადგილიდან მიიმალა.

შემთხვევის ადგილზე გამვლელებმა გამოიძახეს სასწრაფო დახმარების ბრიგადა, რომელმაც დაშავებული ვოლოსის საავადმყოფოში გადაიყვანა.

დაიწყო გამოძიება მძღოლის ვინაობის დასადგენად.