Latest news
საბერძნეთის პოლიცია 28 მილიონიანი საგადასახადო თაღლითობის საქმეს იძიებს ბულინგის მსხვერპლი 14 წლის მოზარდი თანაკლასელებზე შურისძიების მიზნით იარაღის შეძენის ფაქტზე დააკავეს ნევროკოპი: საბერძნეთის ყველაზე ცივი რეგიონი, სადაც აგვისტოშიც კი ტემპერატურა 8,8 გრადუსს არ სცდება საბერძნეთი: 25 ნოემბერს საყოველთაო გაფიცვა გამოცხადდა საგზაო მოძრაობის კოდექსი: სიახლეები ჯარიმების, მართვის მოწმობის ჩამორთმევისა და ახალბედა მძღოლებისთვ... სალონიკი შობისთვის ემზადება: შუშის ჭაღები, 56 ხის სახლი და გრანდიოზული კონცერტები OpenCar: ავტომობილის ნომრით შესაძლებელი იქნება გარბენის, ტექინსპექტირებისა და დაზღვევის შემოწმება პედიონ ტუ არეოსის პარკი საშობაოდ მორთეს ათენის მერი კიფსელის „წითელ ზონაში“ მოქცეული კორპუსების უსაფრთხოებაზე შეშფოთებას გამოთქვამს და მოსახ... ვრცელდება კადრები რომელშიც 24 წლის ქალის მკვლელობაში ეჭვმიტანილი ჩემოდნით ხალშია დაფიქსირებული
კვირა, ნოემბერი 22, 2026
საბერძნეთისაზოგადოება

ავტომანქანების მოყვარულებს ოქტომბრის დასაწყისში ათენი საინტერესო გამოფენას სთავაზობს

ავტომანქანების მოყვარულებს ოქტომბრის დასაწყისში ათენი საინტერესო გამოფენას სთავაზობს

3 ოქტომბრიდან ათენში Metropolitan Expo უმასპინძლებს AUTO ATHINA 2026-ს, საბერძნეთში დღემდე ჩატარებულ ყველაზე მასშტაბურ საავტომობილო გამოფენას. გამოფენა 11 ოქტომბრამდე გასტანს.

ღონისძიებაში მონაწილეობს 52 ავტომობილის ბრენდი, მათ შორის BMW, Mercedes-Benz, Audi, Toyota, Tesla, BYD, Hyundai, Kia, Volkswagen, Porsche, Renault, Peugeot, Nissan და სხვა ევროპული, იაპონური, კორეული და ჩინური მწარმოებლები. ორგანიზატორები ცხრა დღის განმავლობაში 150 000-ზე მეტ ვიზიტორს ელიან.

გამოფენის ერთ-ერთი მთავარი მიმართულება ახალი მოდელების ვიზიტორებისთვის წარდგენაა. ათენში გაიმართება რამდენიმე საბერძნეთისა და ევროპის მასშტაბის პირველი ჩვენება, მათ შორის BMW i3-ისა და BMW X5-ის ეროვნული პრემიერები, BYD-ის ოთხი ახალი მოდელის წარდგენა და Citroën C3 Aircross OUTDOOR Extended Range-ის ევროპული პრემიერა.

ვიზიტორებს ასევე დახვდებათ ელექტრომობილები, ჰიბრიდები და plug-in ჰიბრიდები, SUV-ები, ქალაქის ავტომობილები, სპორტული და კომერციული მოდელები, ასევე ტექნოლოგიები, რომლებიც დაკავშირებულია ავტონომიურ მართვასთან, დაკავშირებულ ავტომობილებთან და ელექტრომობილობასთან. დაგეგმილია ტესტ-დრაივები და სპეციალური ღონისძიებებიც.

ბილეთის ფასი: ონლაინ შეძენისას: 12 ევრო, სალაროებში: 13 ევრო. 12 წლამდე ბავშვებისა და შშმ პირებისთვის შესვლა უფასოა, ხოლო Metropolitan Expo-ს პარკინგზე ავტომანქანების გაჩერება სრულიად უფასო.

გამოფენა ვიზიტორებისთვის ღია იქნება ორშაბათიდან პარასკევის ჩათვლით 14:00–21:00, შაბათ-კვირას კი 10:00–21:00. Metropolitan Expo-მდე მისვლა შესაძლებელია მეტროთი ან საგარეუბნო მატარებელით აეროპორტის მიმართულებით; აეროპორტიდან გამოფენამდე იმოძრავებს უფასო ავტობუსიც.

AUTO ATHINA 2026 აერთიანებს ავტომობილების ბაზრის როგორც ტრადიციულ, ისე ახალ ბრენდებს და ათენში თანამედროვე ავტოინდუსტრიის უახლეს მოდელებსა და ტექნოლოგიებს მოუყრის თავს.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *