ათენის სამხრეთ და დასავლეთით ორი დიდი ხანძარი გაჩნდა- მიმდინარეობს მოსახლეობის ევაკუაცია

ათობით მეხანძრე ებრძვის ორ დიდ ხანძარს, რომელიც დღეს ათენის სამხრეთით და დასავლეთით გაჩნდა.

პირველი ხანძარი ატიკაში, კუვარას რაიონში, შუადღისას გაჩნდა და სასწრაფო დახმარების ნომრით 112 გაიგზავნა გაფრთხილება სამხრეთ-აღმოსავლეთ ატიკის რამდენიმე დასახლებული პუნქტის ევაკუაციისთვის.

ხანძრის ჩაქრობას ხელს უშლის ძლიერი ქარი, რაც განსაკუთრებით ართულებს მეხანძრეების მუშაობას.

ხანძარი ატიკას სამხრეთ სანაპიროსკენ მიემართება. სახანძრო სამსახურმა სარონიდის, ანავისოსა და ლაგონისის მცხოვრებლებს ათენის მიმართულებით ევაკუაცია სთხოვა. ლაგონისსა და სარონიდაში სახლები დაიწვა, თუმცა მსხვერპლის შესახებ ინფორმაცია არ ვრცელდება.

ხანძრის ჩასაქრობად 55 მეხანძრე და 20 სახანძრო მანქანა, ორი დანაყოფი ფეხით და 31 რუმინელი მეხანძრე ხუთი საჰაერო წყლის ტანკერითაა მობილიზებული.

პოლიციის ბოლო განახლების თანახმად, ლავრიოს გამზირი გადაკეტილია ავტოტრანსპორტისთვის ორივე მიმართულებით სუნიოს გამზირსა და კუვარას სასოფლო გზას შორის.

მოგვიანებით მეორე ტყის ხანძარი ათენის დასავლეთით, ლუტრაკის რაიონში გაჩნდა. სახანძრო ბრიგადის თქმით, ხანძარი გაურკვეველი მიზეზების გამო გაჩნდა ტყეში. გაძლიერებული სახანძრო ძალები გამოიყენეს ცეცხლის ჩასაქრობად, რადგან რაიონში ძლიერი ქარი უბერავდა.

ცოტა ხნის შემდეგ, სასწრაფო დახმარების ნომრიდან 112 გაგზავნილმა შეტყობინებამ გასცა ბრძანება კორინთოში კალითეას, პეფკის და ირინის ტერიტორიების ევაკუაციის ბრძანება. მოსახლეობას დაევალა გამგზავრება სანაპირო ქალაქ ლუტრაკისკენ.

საბერძნეთის პოლიციამ დღეს ლუტრაკის სამხრეთ-აღმოსავლეთით გაჩენილი ხანძრის გამო შეაჩერა მოძრაობა ათენი-კორინთის ეროვნულ გზატკეცილზე აგია თეოდორის კვეთიდან ეპიდავრუსის კვეთამდე. მიმოქცევა ორივე მიმართულებით დაიხურა.

მანამდე საბერძნეთის ხელისუფლებამ გამოსცა ხანძრის საშიშროების გაფრთხილება, რადგან სიცხე კოდური სახელწოდებით “კლეონი”, რომელიც საბერძნეთს ბოლო ოთხი დღის განმავლობაში დაატყდა თავს, გრძელდება.

სამოქალაქო დაცვის სააგენტოს მიერ გამოქვეყნებული ხანძრის საშიშროების პროგნოზირების რუქის მიხედვით, ხუთი რეგიონი ითვლება ტყის ხანძრის ძალიან მაღალი რისკის ქვეშ, მაქსიმუმ 5-დან მე-4 (ნარინჯისფერი) დონეზე.

ესენია ატიკა, ცენტრალური საბერძნეთი (ვიოტია, ევია), პელოპონესი (კორინთია და არგოლიდა), სამხრეთ ეგეოსი (როდოსი) და ჩრდილოეთ ეგეოსი (ხიოსი, სამოსი და იკარია).