არკადია: ავტობუსის მძღოლს მართვის დროს გულის შეტევა განუვითარდა და გარდაიცვალა
ტრაგიკული დასარული მოჰყვა არკადიაში მომხდარ ავტოსაგზაო შემთხვევას, რომელსაც საქალაქთაშორისო ავტობუსის მძღოლის სიცოცხლე ემსხვერპლა, როდესაც მართვის დროს გულის შეტევა განუვითარდა.
შემთხვევა გუშინ, კვირას, საღამოს 9 საათამდე მოხდა KTEL Arkadias საქალაქთაშორისო ავტობუსზე, რომელიც ლუტრა იერეა-ტრიპოლის რეისს ასრულებდა.
გავრცელებული ინფორმაციით, მძღოლმა ავტობუსის მართვის დროს თავის ძლიერი ტკივილი იგრძნო, ავტობუსი გზის პირას გააჩერა და რამდენიმე წუთით გადავიდა. უკან დაბრუნებულს სავარძელში ჩაჯდომის და ავტობუსის დაძვრისთანავე გულის შეტევა განუვითარდა. ავტობუსი კლდის პირას გაჩერდა და სასწაულებრივად გადაურჩა გადავარდნას. მასში მხოლოდ ერთი მგზავრი გოგონა იმყოფებოდა, რომელმაც უკანა კარიდან უვნებლად გასვლა მოახერხა.
მძღოლი ავტობუსიდან სახანძრო-სამაშველო ჯგუფმა გამოიყვანა და საავადმყოფოში გადაიყვანეს, სადაც მისი გარდაცვალება დადასტურდა.
