აქსიონ ესტი: ღვთისმშობლის ხატთან მოლოცვაზე ვადა ოთხშაბათამდე გაგრძელდა
მომლოცველთა უპრეცედენტო სიმრავლის გამო წმინდა ხატი “აქსიონ ესტი” ათენის საკათედრო ტაძარში ოთხშაბათამდე, 17 მაისამდე დარჩება.
ათენისა და სრულიად საბერძნეთის მთავარეპისკოპოსმა იერონიმოსმა ოფიციალურად მოითხოვა ათონის წმინდა თემიდან ღვთისმშობლის სასწაულთმოქმედი ხატის „აქსიონ ესტის“ მომლოცველობის გაგრძელება, ხედავდა რა მორწმუნეთა ყოველდღიურ, უზარმაზარ რიგებს ტაძარში.
ათონის წმინდა თემი, გავრცელებული ინფორმაციით, შაბათს ღამით შეიკრიბა და მიიღო გადაწყვეტილება ათენში სასწაულმოქმედი ხატის ყოფნის რამდენიმე დღით გახანგრძლივების შესახებ.
ამავდროულად, ხალხის დიდი ნაწილი ათენის მიტროპოლიის გარეთ აგრძელებს მოთმინებით ლოდინს, რათა თაყვანი სცეს ღვთისმშობლის წმინდა ხატს.
Facebook Comments Box
