პატრაში ბიზნესმენი მღვდელი გახდა, რათა მევალეებისგან თავი დაეღწია

ბიზნესმენმა, რომელიც პატრაში   საკმაოდ შემოსავლიან მაღაზიას ფლობდა, სოლიდური ოდენობის  თანხის ბრუნვით, მოულოდნელად  ბიზნესის დახურვა გადაწყვიტა და გაუჩინარდა.

როგორც ირკვევა, მიზეზი დიდი ოდენობით ვალების გამო მევალეების თვალთახედვიდან გაქრობა იყო, რათა მათი რისხვა თავიდან აეცილებინა.

14 წლის შემდეგ, მის მიერ მოტყუებულმა ადამიანებმა  შეძლეს მისი ამოცნობა  სოციალური მედიის საშუალებით გავრცელებულ ვიდეოებში  და აღმოაჩინეს, რომ ყოფილი ბიზნესმენი მღვდელი გახდა, რათა თავი დაეღწია ვალებისთვის.

„გამოჩნდნენ დაზარალებულები  ვინც  ის ამოიცნო,  მან გაანადგურა ოჯახები” – განაცხადა პრესასთან  კრიმინოლოგმა ანთულა ანასოღლუმ.

გავრცელებული ინფორმაციით, ყოფილმა ბიზნესმენმა, ახლა უკვე მღვდელმა, ჯამში  1 მილიონი ევროს ოდენობის თანხა მიითვისა.

დაზარალებულებმა  შეძლეს მასთან  შეხვედრა სასაფლაოზე,  როდესაც ის დაკრძალვის ცერემონიას ესწრებოდა და  როდესაც თანხის  დაბრუნება სთხოვეს, პასუხი იყო,  რომ მოეცადათ და ნელ-ნელა გადაიხდიდა, როცა შეძლებდა.