იანინა: უკვალოდ გაუჩინარდა 52 წლის პოლიციელი, რომელსაც თან სამსახურეობრივი იარაღი აქვს

იანინაში უცნაურ ვითარებაში გაუჩინარებულ,  52 წლის პოლიციელს ეძებენ.

მიუხედავად სამძებრო ოპერაციისა, რომელიც პარასკევს შუადღიდან დაიწყო, მისი კვალი ამ დრომდე არ  ჩანს.

52 წლის ლამბროს პაპადოპულო  მსახურობს იანინის პრეფექტურის სასაზღვრო დაცვის დეპარტამენტში და ხასიათდება, როგორც უაღრესად თანმიმდევრული და ფორმალური თანამშრომელი.

პარასკევს ის სახლიდან  გაურკვეველი მიმართულებით გავიდა, თან ჰქონდა მხოლოდ  ზურგჩანთა,  მობილური კი  სახლში დატოვა.

ამის შემდეგ ის უკან  აღარ დაბრუნებულა, შეშფოთებული  მოხუცი  მამა  პოლიციას დაუკავშირდა და დახმარება სთხოვა.

გამოძიება მაშინვე დაიწყო, ხოლო სამძებრო- სამაშველო ცხელი  ხაზი შაბათს შუადღიდან ამოქმედდა.

გავრცელებული ინფორმაციით, 52 წლის პოლიციელმა თან სამსახურებრივი იარაღი  წაიღო.