აშშ: ინჟინრის სახლში საიდუმლო რადიოკავშირის ტექნოლოგიები აღმოაჩინეს

არნოლდის საჰაერო ძალების ბაზის 48 წლის ამერიკელმა ინჟინერმა სავარაუდოდ  90,000 აშშ დოლარის ღირებულების სამთავრობო რადიოტექნოლოგიური აღჭურვილობა დამალა საკუთარ სახლში, ტენესში.

აშშ-ს საჰაერო ძალების (AETC) მიერ გამოყენებული რადიოკავშირის ტექნოლოგიაში უსაფრთხოების დარღვევა გავლენას ახდენს შეერთებული შტატების თავდაცვის დეპარტამენტის 17 ობიექტზე,  იტყობინება New York Times.

გავრცელებული ინფორმაციით, ინჟინერი მუშაობდა უკაბელო პროგრამირების პროგრამაზე. ორდერის თანახმად, პროგრამული უზრუნველყოფა შეიცავდა არნოლდის საჰაერო ძალების ბაზის (AAFB) მთელ საკომუნიკაციო სისტემას.

გამომძიებლების თქმით, კოლეგამ მათ ორჯერ შეატყობინა “ინსაიდერული საფრთხის მაჩვენებლების” და ასევე საჰაერო ძალების აღჭურვილობის არაავტორიზებული ფლობის შესახებ.

როგორც ირკვევა, 48 წლის მამაკაცს შესაძლოა ჰქონოდა წვდომა FBI-ის კომუნიკაციებზე, ისევე როგორც ტენესის სახელმწიფო სააგენტოებზე.

აღნიშნულ საქმეს სამი თვის შემდეგ, მოჰყვა აშშ-ს დაზვერვის ერთ-ერთი ყველაზე უარესი გაჟონვა ათწლეულზე მეტი ხნის განმავლობაში. ამ შემთხვევაში პენტაგონის ასობით დოკუმენტის გაჟონვაში ეჭვმიტანილი იმ დროს საჰაერო ეროვნული გვარდიის წევრი, 21 წლის ჯეკ ტეიშეირი დააკავეს.