აშშ: შვებულებიდან დაბრუნებულ ქალს სახლი მიწასთან გასწორებული დახვდა
აშშ-ში, ჯორჯიის შტატის ქალაქ ატლანტაში მცხოვრებ სიუზან ჰოჯსონს თავს წარმოუდგენელი ამბავი გადახდა. შვებულებიდან დაბრუნებულმა აღმოაჩინა, რომ სახლი აღარ ჰქონდა.
ის დასასვენებლად იყო წასული როდესაც მეზობელმა დაურეკა და ჰკითხა ხომ არ დაიქირავა მან სახლის დასანგრევად ბულდოზერები.
ქალს გაუკვირდა და სთხოვა მეზობელს, გაერკვია რა ხდებოდა მის სახლში. “გაჩუმდი და შენს საქმეს მიხედე”,- მიიღო პასუხი მეზობელმა იმ კომპანიის თანამშრომლისგან, რომელიც სახლს ანგრევდა.
შემდეგ ჰოჯსონმა გაგზავნა ნათესავი, რათა გაერკვია რა ხდებოდა, ვინ ანგრევდა მის სახლს და რატომ.
მას შემდეგ, რაც მუშებმა გადაამოწმეს ნებართვა, რომელიც ხელთ ჰქონდათ სახლის დასანგრევად, აღმოჩნდა, რომ სახლები აერიათ და შეცდომით სხვა მისამართზე, სხვა სახლი დაანგრიეს.
ამჟამად დაზარალებული აღნიშნული კომპანიისგან ზარალის ანაზღაურებას ითხოვს, თუმცა, 22 ოქტომბერს მომხდართან დაკავშირებით ტელევიზიით გავრცელებულ სიუჟეტში ოჯახი აცხადებს, რომ სამშენებლო კომპანიიდან ჯერჯერობით არავინ დაკავშირებიათ.
ვიდეო:
