აშშ: 11 მგზავრი დაშავდა თვითმფრინავის ტურბულენტურ ზონაში მოხვედრის შემდეგ
დელტას ავიახაზების ბორტზე მყოფი თერთმეტი მგზავრი გადაიყვანეს საავადმყოფოში სამშაბათს, 29 აგვისტოს, მას შემდეგ, რაც თვითმფრინავი ძლიერ ტურბულენტურ ზონაში მოხვდა, ატლანტაში დაფრენამდე.
დელტას წარმომადგენლის თქმით, თვითმფრინავის ბორტზე, რომელიც მილანიდან ასრულებდა რეისს 151 მგზავრი და ეკიპაჟის 14 წევრი იმყოფებოდა, როდესაც ტურბულენტობა დაიწყო.
11 დაშავებულს შორის არიან ეკიპაჟის წევრები და მგზავრები. დაზიანებების ხარისხი ჯერჯერობით უცნობია. სოციალურ მედიაში გავრცელებულ ვიდეოებში ჩანს, რომ სულ მცირე, ორი ადამიანი საკაცით გადაიყვანეს Airbus A350-ის ასაფრენ ბილიკზე, მას შემდეგ რაც ის უსაფრთხოდ დაეშვა ატლანტას ჰარტსფილდ-ჯექსონის საერთაშორისო აეროპორტში.
ერთ-ერთი მგზავრი იხსენებს როგორ „ჩავარდა“ თვითმფრინავი მოულოდნელად ტურბულენტობის გამო, რის გამოც ბევრი, მათ შორის თავადაც სავარძელს მოწყდა.
დაშავდნენ მგზავრები და ბორტგამცილებელთა უმეტესობა. თვითმფრინავმა მოახდინა ავარიული დაშვება და არაკრიტიკულად დაშავებულებს მოუწიათ თვითმფრინავში დარჩენა ახალი ფრენის ეკიპაჟის მისვლამდე.
