საპროტესტო წერილი ნატოს გენერალურ მდივანს ანკარაში ნატოს სახმელეთო ძალების შტაბისადმი გაკეთებულ მილოცვასთან დაკავშირებით

ბერძნული მხარის დაუყოვნებელი რეაქცია მოჰყვა ნატოს გამომწვევ ქმედებას  ანკარაში. “ჩვენ ვიღებთ შესაბამის ზომებს”, – აცხადებენ საგარეო საქმეთა სამინისტროში.

დიპლომატიური წყაროების ცნობით, ნატოში საბერძნეთის მუდმივმა წარმომადგენელმა, ნატოს გენერალურ მდივანს, შესაბამისი მითითებების შესაბამისად წერილობითი პროტესტი გაუგზავნა ანკარაში ნატოს სახმელეთო ძალების შტაბისადმი გაკეთებულ მილოცვასთან დაკავშირებით.

ეს არის მილოცვა თურქეთის მიერ 30 აგვისტოს, ეგრეთწოდებული „გამარჯვების დღის“ აღნიშვნის გამო, რომელიც ნატომ თურქულ მხარეს წელსაც გაუგზავნა.

კერძოდ, ნატოს სახმელეთო ძალების სარდლობამ (LANDCOM), რომელიც მდებარეობს იზმირში, თავის Twitter-ზე გამოაქვეყნა პოსტი, სადაც თურქეთს მიულოცა ქემალისტური ძალების მიერ თავდასხმის დაწყებისა და მცირე აზიის ფრონტზე ბერძნული არმიის დამარცხების წლისთავი.

LANDCOM-ის გზავნილში ვკითხულობთ: „გვსურს გამოვხატოთ ჩვენი მადლიერება თურქეთისადმი, რომ გვიმასპინძლა ამ განსაკუთრებულ დღეს. 1952 წელს ნატოში გაწევრიანების შემდეგ თურქეთმა მონაწილეობა მიიღო მრავალ ოპერაციასა და წვრთნებში და მისი ჯარისკაცები ყოველთვის ავლენდნენ დიდ პროფესიონალიზმს და მონდომებას. თურქეთი და ნატო ერთად უფრო ძლიერი და უსაფრთხოა“.

“აღნიშნული ნაბიჯი  ერთჯერადად შეიძლება მივაწეროთ შეცდომას, მაგრამ იგივე ქმედების გამეორება, რომელიც იწვევს მტკივნეულ შთაბეჭდილებას, საბერძნეთმა შეიძლება მხოლოდ პროვოკაციად აღიქვას”- აცხადებს ბერძნული მხარე.

მსგავსი რამ მოხდა გასულ აგვისტოშის, თუმცა Twitter-ის ოფიციალურმა ანგარიშმა შემდგომში წაშალა შეტყობინება ათენის რეაქციის გამო.