გაეროს გენერალური მდივანი ქვეყნებს ბირთვული გამოცდების დასრულებისკენ მოუწოდებს
ბირთვულ ტესტებთან ბრძოლის საერთაშორისო დღესთან დაკავშირებით, გაეროს გენერალური მდივანი, ანტონიო გუტერესი ბირთვული გამოცდის ყველა მსხვერპლის სახელით მოუწოდებს ქვეყნებს, ვისაც ეს ჯერ არ გაუკეთებია, ბირთვული გამოცდების სამართლებრივად სავალდებულო აკრძალვის შესახებ შესაბამისი ხელშეკრულების რატიფიცირებისკენ- დაუყოვნებლივ და უპირობოდ.
„ბირთვული გამოცდების სამართლებრივად სავალდებულო აკრძალვა ფუნდამენტური ნაბიჯია ბირთვული იარაღისგან თავისუფალი სამყაროსკენ.
ყოვლისმომცველი ბირთვული ტესტების აკრძალვის ხელშეკრულება, რომელიც ჯერ არ შესულა ძალაში, რჩება კაცობრიობის ნების მძლავრ გამოვლინებად, რომ ერთხელ და სამუდამოდ მოიხსნას ბირთვული განადგურების ჩრდილი ჩვენი სამყაროდან“- ხაზს უსვამს ის.
გარდა ამისა, ანტონიო გუტერესი აღნიშნავს, რომ 1945 წლიდან მოყოლებული, 2000-ზე მეტმა ბირთვულმა გამოცდამ გამოიწვია ადამიანების საშინელი ტანჯვა, მოწამლა ჰაერი რომელსაც ვსუნთქავთ და გაანადგურა პეიზაჟები მთელს მსოფლიოში.
“ჩვენ ვხედავთ გლობალური უნდობლობისა და განხეთქილების საგანგაშო ზრდას იმ დროს, როდესაც თითქმის 13 000 ბირთვული იარაღი ინახება მთელს მსოფლიოში და ეს ქვეყნები მუშაობენ სიზუსტის და დიაპაზონის გასაუმჯობესებლად. მათი დამანგრეველი ძალა-ეს არის განადგურების რეცეპტი”-ამბობს ის და ბოლოს აღნიშნავს, რომ ბირთვული ტესტების წინააღმდეგ ბრძოლის საერთაშორისო დღეს მსოფლიო ერთხმად საუბრობს ამ დესტრუქციული მემკვიდრეობის დასასრულებლად.
