გავრცელდა ინფორმაცია სტიქიის შემდეგ კერძო პირების მიერ ფეისბუქის საშუალებით  ტონობით წყლის გაყიდვის შესახებ

არაადამიანური გულგრილობა და უსინდისობა შეიძლება ეწოდოს ერთ-ერთი ადგილობრივის მიერ დაფიქსირებულ შემთხვევას სტიქიის შედეგად განადგურებულ ვოლოსში, რომელიც გამოუსწორებლად დაზარალდა უამინდობის გამო და სადაც ათასობით ოჯახი წყლის გარეშე დარჩა 24 საათის განმავლობაში.

საუბარია კერძო პირების მიერ შექმნილი ტრაგიკული მდგომარეობიდან სარგებლის მიღების ამაზრზენ ფაქტზე, რომლებიც ფეისბუქის საშუალებითაც კი არ ერიდებოდნენ ტონობით წყლის გაყიდვას.

გავრცელდა ინფორმაცია მაღაზიის მესაკუთრეების შესახებ, რომლებიც 6 და 7 ევროდ ყიდიდნენ ერთ შეკვრა წყალს, რომელშიც ექვსი ბოთლი დევს. უფრო ტრაგიკული კი ის არის, რომ კერძო პირების მიერ წყლის  გაყიდვა ფეისბუქ მარკეტის საშუალებით დაფიქსირდა და არსებობს დამადასტურებელი დოკუმენტაცია, სადაც აღნიშნულია, რომ შეკვეთის შესრულების შემდეგ ანგარიშსწორება მოხდებოდა ადგილზე და მხოლოდ ნაღდი ფულით.

„თუ ასეთ დროს ჩვენს შორის ადამიანობა არ არის, რა ვთქვა? არ მჯერა, რომ ის არ არსებობს“-აცხადებს ვოლოსის მცხოვრები  ფაქტის შესახებ საუბრისას.