Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთი

მძიმე ავტოსაგზაო შემთხვევა კილკისში: დაღუპულია ოთხი ადამიანი

ოთხი ადამიანი დაიღუპა და სულ მცირე, 20 დაშავდა დღეს(10/09), გამთენიისას, ათენი-თესალონიკის ეროვნული გზატკეცილის 521-ე კილომეტრზე, პოლიკასტრო კილკის სიმაღლეზე მომხდარი მძიმე ავტოსაგზაო შემთხვევის შედეგად, როდესაც ორსართულიან ტურისტულ ავტობუსს მსუბუქი ავტომობილი შეეჯახა.

შემთხვევის ადგილიდან გადაღებული სურათები შოკისმომგვრელია, მანქანა უფორმო მასად არის ქცეული და ავტობუსიც ძლიერ დაზიანებულია.

ავტომანქანაში ოთხი ადამიანი იმყოფებოდა, ოთხივე მათგანი გარდაიცვალა. ავტობუსის სალონში, რომელსაც სერბული ნომრები ჰქონდა, თითქმის 80 ადამიანი იმყოფებოდა- მათგან 25 დაშავდა, გავრცელებული ცნობით, დაშავებულთა შორის არიან ბავშვებიც.

მძიმედ დაშავებულები თესალონიკის საავადმყოფოებში გადაიყვანეს, ხოლო შედარებით მსუბუქად დაშავებულებს კილკისის საავადმყოფოში მკურნალობენ.

ბოლო მონაცემებით, ავტომობილში, რომელსაც სერბული ავტობუსი დაეჯახა, ოთხი ხანდაზმული იმყოფებოდა, მის საბარგულში სათევზაო ინვენტარი აღმოაჩინეს. სამი მათგანი ადგილზე გარდაიცვალა, მეოთხე კი მძიმე დაზიანებებით საავადმყოფოში გადაიყვანეს, სადაც მოგვიანებით გარდაიცვალა.

შეჯახების შემდეგ ავტობუსი სავალი ნაწილიდან გადავიდა და გვერდით მინდორში დაეცა, ხოლო მსუბუქი ავტომობილი ასფალტზე დარჩა, რომელსაც შემდეგ მეორე გამვლელი მანქანა მსუბუქად  შეეჯახა, რომელშიც ქალი და მისი შვილი იმყოფებოდნენ, თუმცა ისინი არ დაშავებულან.

ტურისტული ავტობუსის დარჩენილი მგზავრების გადაყვანა კილკის ადგილობრივი KTEL-ის ავტობუსებით განხორციელდა.

 

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *