გაფრთხილება საბერძნეთში არსებულ 150 ისლამისტურ სამიზნეზე
საბერძნეთის პოლიცია გაძლიერებულ მზადყოფნაშია ახლო აღმოსავლეთში შექმნილი ვითარების და საბერძნეთში ისლამისტების მოსალოდნელი თავდასხმების საშიშროების გამო.
ბოლო 24 საათის განმავლობაში შედგენილი იქნა და გამოქვეყნდა ოფიციალური დოკუმენტების სერია, რომელშიც წარმოდგენილია გეგმა ქვეყნის მასშტაბით პრევენციული ხასიათის უსაფრთხოების ზომების მიღების შესახებ იმ 150 პუნქტზე და სამხედრო ობიექტებზე, რომლებზეც შესაძლოა განხორციელდეს ტერორისტული თავდასხმა.
უშიშროების ორგანოების მიერ დასახელებულ იმ პუნქტებს შორის, რომლებიც განიხილება “უჩინარი” ფანატიკოსი ისლამისტების შესაძლო თავდასხმის სამიზნედ, მოხსენიებულია საბერძნეთის პარლამენტი და დასავლური დიპლომატიური მისიების ობიექტები აკროპოლის წმინდა კლდეზე, მეზობელი მუზეუმი, ასევე გამწვანებული დასასვენებელი ადგილები, როგორიცაა ეროვნული ბაღი, პედიონ ტუ არეოს და სხვა ხალხმრავალი პარკები დედაქალაქში. ამავე სიაში შედის ხალხმრავალი სავაჭრო ცენტრები, მეტროს ქსელის 67 სადგური, ISAP და KTEL- ის სადგურები Liosion და Kifisos, ასევე სამხედრო და პოლიციის ობიექტები.
იმავე დოკუმენტებში გაცემულია ბრძანება სავალდებულო მუდმივი დაცვისა და გაძლიერებული მეთვალყურეობის განხორციელების შესახებ ებრაული სამიზნეების მინიმუმ 15 ობიექტზე (სინაგოგა, საელჩოები, კომპანიები, შეხვედრების ადგილები და ა.შ.). ასევე სკოლებზე და იმ საგანმანათლებლო დაწესებულებებზე, სადაც სწავლობენ კონკრეტული ქვეყნის მოქალაქეები.
ზოგადი განგაშის მიუხედავად, უშიშროების სამსახურის მაღალჩინოსნები აღნიშნავენ, რომ ჯერჯერობით არ არსებობს ინფორმაცია საბერძნეთის მიწაზე მოსალოდნელი თავდასხმების შესახებ და მიღებული უსაფრთხოების გაძლერებული ზომები მხოლოდ პრევენციულ ხასიათს ატარებს, თუმცა საბერძნეთის ხელისუფლების მობილიზებაზე მიუთითებს ასევე კონტროლი სოციალურ ქსელებში, რათა გამოავლინონ ის საეჭვო პოსტები, რომლებიც შეიცავს სიძულვილის ენას.
