დააკავეს დამნაშავე, რომელიც იანის კალიანოსის სახლში შეიჭრა

საბერძნეთის პოლიციამ უკვე დააკავა პირი, რომელიც ძარცვის მიზნით, გუშინ, მეტეოროლოგისა და ნაციონალური მოძრაობის დეპუტატის, იანის კალიანოსის სახლში შეიჭრა.

როგორც ძიების პროცესში დადგინდა, ის არის უცხოელი,  სრულწლოვანი და სავარაუდოდ ეკუთვნის ბანდას, რომელიც “სპეციალიზებულია” ბინების ძარცვაში.

პოლიციას ასევე აქვს ინფორმაცია აღნიშნული ბანდის სხვა წევრების ვინაობის შესახებ. ეს არის ჯგუფი, რომელმაც ბევრი ძარცვა ჩაიდინა სამხრეთ-აღმოსავლეთ ატიკაში და მის ფარგლებს გარეთ.

პოლიციის წყაროების ცნობით, ბანდა სამი ადამიანისგან შედგებოდა. ორი მათგანი კუბის და  ჩილეს მოქალაქე და ერთი ბოშა. უშუალოდ მძარცველი, რომელიც დეპუტატის ბინაში შევიდა ჩილეს მოქალაქეა და არის 17 წლის.  ჩატარებული გამოძიების შედეგად ასევე აღმოაჩინეს ბანდის სამალავი-ადგილი, სადაც ისინი ინახავდნენ მოპარულ ნივთებს.