დააკავეს ნარკოდანაშაულისთვის ძებნილი 41 წლის მამაკაცი – მის ბინაში 650 000 ევროზე მეტი იპოვეს

დღეს, პარასკევს, ათენში ატიკის პოლიციის თანამშრომლებმა დააკავეს 41 წლის ძებნილი მამაკაცი, რომლის წინააღმდეგაც აღძრული იყო საქმე ნარკოტიკული ნივთიერებების შესახებ კანონმდებლობის დარღვევისთვის.

მიმდინარე გამოძიების ფარგლებში, დაკავებული 41  წლის მამაკაცის საცხოვრებელ ბინაში სპეციალურად გაწვრთნილი ძაღლის დახმარებით ჩატარებული ჩხრეკის დროს, კარადაში, სპეციალურად მოწყობილ სამალავში აღმოაჩინეს და ჩამოართვეს:

5 კილოგრამი და 30 გრამი კოკაინი, 4 კილოგრამი და 290 გრამი გადამუშავებული კანაფი, 4 კილოგრამი და 290 გრამი ნედლი კანაფი, 649,050 ევრო, 24,910 აშშ დოლარი, 420 ბრიტანული ფუნტი,პისტოლეტი, პისტოლეტის 50 ტყვია, პისტოლეტის 2 ბუდე და ელექტრონული სასწორი.

დაკავებული ათენის სისხლის სამართლის პროკურატურაში გადაიყვანეს.