დიდი ბრიტანეთი: ძაღლებმა 68 წლის ქალი შვილიშვილის თვალწინ დაგლიჯეს
დიდი ბრიტანეთი: ძაღლებმა 68 წლის ქალი შვილიშვილის თვალწინ დაგლიჯეს
მსხვერპლს გაფრთხილებული ჰყავდა პატრონი, რომ ძაღლები განსაკუთრებით სასტიკები იყვნენ, თუმცა…
68 წლის ქალის მცდელობა, შეეჩერებინა XL Bully-ს ორი ლეკვის თავდასხმა, ტრაგედიაში გადაიზარდა. ძაღლებმა ხნიერი ქალბატონი საკუთარი, 11 წლის შვილიშვილის თვალწინ დაგლიჯეს.
DailyMail-ის ცნობით, ესთერ მარტინი 11 წლის შვილიშვილს სტუმრობდა, როდესაც მას თავს დაესხნენ ცხოველები, რომელთა პატრონიც ამჟამად დაკავებულია.
ვიდრე ტრაგედია მოხდებოდა, ქალმა გააფრთხილა 39 წლის რეპერი – ძაღლების პატრონი, რომ ძაღლები განსაკუთრებული სიავით გამოირჩეოდნენ და აუცილებელი იყო შესაბამისი ზომების მიღება, მაგრამ პატრონის პასუხი ასეთი გახლდათ: ,,მე ვერავინ მასწავლის, თუ როგორ უნდა მოვიქცე!“.
წარსულში, რეპერი ერთ-ერთ ძაღლთან ერთად საკუთარ ვიდეო კლიპშიც გამოჩნდა.
ესთერის 47 წლის ქალიშვილმა სონია მარტინმა, აღნიშნა რომ დედას ადრეც ჰყავდა გააფრთხილებული ძაღლების პატრონი, რომ ისინი საშიშნი იყვნენ…
ტრაგედიის ადგილზე მისულმა პოლიციელებმა, ორივე ძაღლს ესროლეს, რადგანაც სხვაგვარად მათი განეიტრალება შეუძლებლ აღმოჩნდა, თუმცა, ქალის გადარჩენა მაინც ვერ შეძლეს, ის შემთხვევის ადგილზე გარდაცვალა.
