Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
მსოფლიოსაზოგადოება

ერაყი: შოკისმომგვრელი კადრები საქორწინო წვეულებიდან, რომელიც ტრაგედიით დასრულდა

ერაყის შინაგან საქმეთა სამინისტრო ქალაქ მოსულში საქორწინო წვეულებაზე გაჩენილი ხანძრის შედეგად დატრიალებული ტრაგედიის ამსახველ შოკისმომგვრელ კადრებს ავრცელებს, რომლის შედეგადაც ათობით ადამიანი დაიღუპა.

კადრებში ასახულია ხანძრის გაჩენის მომენტი და პანიკა რომელიც მოჰყვა ყველა მხრივ გავრცელებულ ცეცხლს, როდესაც მშობლები გარბიან შვილების გადასარჩენად.

კომისიის ხელმძღვანელმა, რომელიც ტრაგედიის გამოძიებას ახორციელებდა, ბაღდადში გამართულ პრესკონფერენციაზე განაცხადა, რომ ცერემონიის დარბაზში განთავსებული იყო ძალიან ბევრი აალებადი მასალა. ხანძრის ერთ-ერთი მთავარი მიზეზი ფეიერვერკი იყო. ცეცხლი სწრაფად გავრცელდა როგორც დეკორატიულ ქსოვილებზე, ასევე ჭერზე არსებული ჭაღის გარშემო არსებულ ქსოვილზე.

წვეულებაზე 900-მდე სტუმარი იმყოფებოდა. გაუფრთხილებლობით გამოწვეული ხანძრით გარდაცვლილთა რიცხვმა 107-ს მიაღწია. ერაყის ხელისუფლების გადაწყვეტილებით, მომხდარზე პასუხისმგებლობა ოლქის გუბერნატორს და რეგიონის გამგებელს დაეკისრათ და ისინი სასამართლოს წინაშე წარსდგებიან.

მიუხედავად იმისა, რომ ხანძრის გამომწვევ პირველად მიზეზად ფოიერვერკი დასახელდა, სიძე- 27 წლის რევანი თვლის, რომ ხანძარი რატომღაც ჭერიდან გაჩნდა.

“შეიძლება მოკლე ჩართვა იყო, არ ვიცი… მაგრამ ცეცხლი ჭერიდან გაჩნდა. შემდეგ ჭერმა დაიწყო დნობა, ყველაფერი წამებში მოხდა.”-ამბობს ის.

ახალდაქორწინებულები, რომელთა ქორწილის ზეიმიც ამ საშინელი ტრაგედიით დასრულდა, განადგურებულები არიან. რევანი და 18 წლის პატარძალი ჰანინი თავს ძალიან ცუდად გრძნობენ. როგორც ისინი ამბობენ, მიუხედავად იმისა, რომ გადარჩნენ, შინაგანად მკვდრები არიან, რევანმა ხანძრის შედეგად ოჯახის 15 წევრი, ხოლო ჰანინმა 10, მათ შორის დედა და ძმა დაკარგა. კრიტიკულ მდგომარეობაშია მისი მამაც.

ნახეთ ვიდეო:

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *