დიდი ოდენობით ჯარიმები საწვავის გაყალბებაში ჩართული პირებისთვის

ახალი, უმკაცრესი ზომები ამოქმედდა იმ  ავტოგასამართი სადგურების და შესაბამის ბიზნესში ჩართული პირების მიმართ, რომლებიც ავტომანქანების საწვავს აყალბებენ,  ურევენ რა მასში ნავთობის ზეთებს და სხვადასხვა მინარევებს და გამხსნელებს.

აღნიშნული ქმედება პირველ რიგში ზიანს აყენებს და მწყობრიდან გამოჰყავს ავტომობილები, ხოლო მეორეს მხრივ მსგავსი ქმედებებით სახელმწიფო ბიუჯეტი კარგავს საგადასახადო შემოსავლებს, რადგან აღნიშნული პირები  დაბალხარისხიან საწვავს შემდგომში, შესყიდვის ღირებულებასთან შეუსაბამოდ  დაბალ ფასში ყიდიან.

აღნიშნულია, რომ სულ ცოტა ხნის წინ 150 000 ევროს ღირებულების ჯარიმა დააკისრეს ბენზინგასამართ სადგურებს რომლებიც ფალსიფიცირებულ ბენზინს ყიდდნენ.

საწვავის ნიმუშების კვლევის შედეგად გამოვლინდა, რომ ბენზინი 100%-ით იყო გაყალბებული ნავთობის ზეთების მინარევებით.

შესაბამისი მაკონტროლებელი უწყების განცხადებით ბოლო 15 წლის განმავლობაში აღნიშნული მიზეზების გამო 3000- მდე ბენზინგასამართი სადგური დაიხურა.

თუმცა პრობლემა პრობლემად რჩება, რადგან ბოლო წლებში საწვავზე საგრძნობლად გაზრდილი ფასები და შესაბამისად გაზრდილი სახელმწიფო გადასახადები უბიძგებს  “გონებამახვილ”  მფლობელებს,  მოგების გაზრდის მიზნით გააფუჭოს საწვავის ხარისხი.

გაჟღერდა მოწოდებები და რეკომენდაციები მთავრობის მისამართით, რათა შეიცვალოს კანონი, რომელიც საშუალებას აძლევს  სადგურებს  გაყიდონ საწვავი ქარხნის ფასებზე დაბალ ფასად და ხელი შეუწყონ ჯანსაღი, კონკურენტუნარიანი ბაზრის ჩამოყალიბებას.

მომხმარებელს  კი  ისღა დარჩენია გამოიჩინოს სიფრთხილე და ისარგებლოს იმ ბენზინგასამართი სადგურით, რომლის კეთილსინდისიერ მომსახურებაშიც დარწმუნებულია.

საბერძნეთი: არასრულწლოვანებმა თანაკლასელზე ფიზიკურად იძალადეს