დღეს გაეროს უშიშროების საბჭოს საგანგებო სხდომა შედგება

დადასტურებული დიპლომატიური წყაროების თანახმად, გაეროს უშიშროების საბჭო დღეს, ორშაბათს, საგანგებო სხდომას გამართავს ისრაელის ღაზაში სახმელეთო შეჭრის გამო.

არაბთა გაერთიანებული საემიროები მოითხოვენ სავალდებულო რეზოლუციას უშიშროების საბჭოს სხვა წევრებისგან “დაუყოვნებელი ჰუმანიტარული პაუზის” შესახებ, აცხადებენ წყაროები.

საგანგებო შეხვედრა მას შემდეგ დაინიშნა, რაც 120-მა ქვეყანამ მხარი დაუჭირა გაერთიანებული ერების ორგანიზაციის რეზოლუციას, რომელიც წარდგენილი იქნა პარასკევს, იორდანიის მიერ, რომელიც მოუწოდებს ღაზაში ხანგრძლივ ჰუმანიტარულ ზავს და ცეცხლის შეწყვეტას. შეერთებული შტატები იყო ერთ-ერთი იმ 14 ქვეყნიდან, რომელმაც რეზოლუციის წინააღმდეგ მისცა ხმა, ხოლო 45-მა ქვეყანამ თავი შეიკავა.

წყაროების თქმით, უშიშროების საბჭოს რეზოლუციის ტექსტის პროექტი “დაუყოვნებლივ ჰუმანიტარულ ზავს” და შემდგომ “ჰუმანიტარულ პაუზებს” მოითხოვს.

ამ თვის დასაწყისში შეერთებულმა შტატებმა ვეტო დაადო გაეროს უშიშროების საბჭოში რეზოლუციის პროექტს, რომელიც ჰუმანიტარული პაუზისკენ მოუწოდებს.

არაბთა გაერთიანებული საემიროები ამჟამად გაეროს წევრი ერთადერთი არაბული ქვეყანაა.