რუსეთი: ათობით მამაკაცი შეიჭრა დაღესტნის აეროპორტში, სადაც ისრაელის თვითმფრინავი დაშვებას აპირებდა
რუსეთის ფედერაციაში შემავალი დაღესტნის დედაქალაქის მახაჩკალას აეროპორტი დროებით დაიხურა, რადგან მასში უამრავი მომიტინგე შეიჭრა ხელში პალესტინის დროშებით, როდესაც გამოცხადდა, რომ ისრაელიდან ჩასული თვითმფრინავი იქ უნდა დაშვებულიყო. მათი მიზანი თვითმფრინავზე კონტროლის მოპოვება იყო.
რუსული მედიის „იზვესტიას“ და „RT“-ის ცნობით, რამდენიმე მამაკაცი ძალით შევარდა აეროპორტში და ავიდა ტერმინალის სახურავზე, ხოლო სხვებმა მიაღწიეს ასაფრენ ბილიკს. Telegram-ის პლატფორმაზე გამოქვეყნებულ ვიდეოებში ჩანს, რომ ათობით ადამიანი ძალის გამოყენებით ცდილობს გააღოს ტერმინალის კარი, სხვები კი ცდილობენ გააკონტროლონ მანქანები, რომლებიც ტოვებენ აეროპორტს. ამ დრომდე უცნობია რა ბედი ეწიათ თვითმფრინავის მგზავრებს.
ვიდეო:
Facebook Comments Box
