დღეს ზვიად გამსახურდიას დაბადების დღეა
დღეს ზვიად გამსახურდიას დაბადების დღეა
იცით თუ არა, რომ საქართველოს პირველი პრეზიდენტი საქართველოს ეროვნულ-განმათავისუფლებელი მოძრაობის ლიდერობის გარდა იყო მეცნიერი-ფილოლოგი, მწერალი, მთარგმნელი და ფილოლოგიის მეცნიერებათა დოქტორი.
ზვიად გამსახურდია ეწინააღმდეგებოა საბჭოთა კავშირის რეჟიმს. მისი და კოსტავას თაოსნობით დაფუძნდა ორგანიზაცია საქართველოს ჰელსინკის კავშირი, რომელიც აქტიურად გამოდიოდა ადამიანის უფლებების, პირველყოვლისა კი — ქართველების უფლებების, ქართული კულტურის ძეგლების, საქართველოს მართლმადიდებელი ეკლესიის დასაცავად. ჯგუფი გამოსცემდა იატაკქვეშა თვითგამოცემებს (ჟურნალები:„საქართველო”, „ოქროს საწმისი“ , „საქართველოს მოამბე“ და სხვა). ამ ჟურნალებში გამსახურდია ყოველთვის ხაზს უსვამდა რუსიფიკაციის საფრთხეს, ქართველების დემოგრაფიული შემცირების პრობლემას, კორუფციას საქართველოს ეკლესიაში, საზღვარგარეთ მცხოვრები ქართული თემების უფლებებს. საყოველთაოდ ცნობილია რომ გამსახურდია იმსახურებდა დასავლეთის სახელმწიფოების სიმპატიებს იმპერიული ცენტრის წინააღმდეგ ბრძოლის გამო.
“ყველაფერი შეიძლება წაართვა პიროვნებას, ერს, მაგრამ ვერავინ შესძლებს თავისუფლების შეგრძნება წაართვას მას” – ზვიად გამსახურდია
არ უნდა დაგვავიწყდეს, რომ მისი მთავარი პოლიტიკური მიზანი იყო ჯერ დამოუკიდებლობის შესახებ რეფერენდუმის ჩატარება, შემდეგ კი – ამ რეფერენდუმზე დაყრდნობით საქართველოს დამოუკიდებლობის აღდგენის დეკლარაციის მიღება.
საქართველოს პირველი პრეზიდენტი და მისი მომხრეები, ვისთვის გასაკიცხად, ვისთვის კი საამაყოდ ქართველებს, ისტორიულად დაწინაურებულ ერად მიიჩნევდნენ და თვლიდნენ, რომ მათ უნდა ესარგებლათ პრივილეგიებით სამშობლოში.
