ვარდისფერი ოქტომბერი – მკერდის კიბოსთან დაკავშირებით ცნობიერების ამაღლებას ითვალისწინებს
ვარდისფერი ოქტომბერი – მკერდის კიბოსთან დაკავშირებით ცნობიერების ამაღლებას ითვალისწინებს
მკერდის კიბოს შესახებ ცნობიერების ამაღლების თვის ფარგლებში, პრევენციისა და ადრეული დიაგნოსტიკის ღირებულების შესახებ გზავნილის გასაგზავნად, კოძიას მოედანი და მისი შადრევანი ვარდისფრად განათდა.
ვარდისფერი ოქტომბერი 1985 წლიდან აღინიშნება და მიზნად ისახავს ცნობიერების ამაღლებას ძუძუს კიბოს შესახებ, რათა ადრეულ ეტაპზევე მოხდეს დაავადების გამოვლენა და თავიდან იქნას აცილებული შემდგომი გართულებები.
ძუძუს კიბო მსოფლიოში ერთ-ერთ ყველაზე გავრცელებულ ონკოლოგიური დაავადებას წარმოადგენს, ქალბატონებში ონკოლოგიურ დაავადებებს შორის იგი პირველ ადგილზეა.
ძუძუს კიბოს ძირითადი და საგანგაშო სიმტომებია:
- სარძევე ჯირკვლის ფორმის და სიმეტრიულობის შეცვლა;
- დვრილის ფორმის შეცვლა – მისი ჩაბრუნება;
- კანზე „ლიმონის ქერქის“ სიმპტომის გაჩენა;
- გამონადენი დვრილიდან – როგორც სისხლიანი, ასევე უსისხლო;
- იღლიის და ბეჭის არეში შეშუპება;
- ხელების ზემოთ აწევის შემთხვევაში – მკერდის დეფორმაცია;
- მუდმივი დისკომფორტი ძუძუს არეში და ტკივილი.
აუცილებელია წელიწადში ერთხელ დაიგეგმოს ვიზიტი მამოლოგთან და მოხდეს ძუძუს გასინჯვა, ჩატარდეს ულტრაბგერითი კვლევა 35 წლამდე ქალბატონებში, ხოლო 35 წელს ზემოთ რეკომენდებულია მამოგრაფია.
