ვოლოსი: გარდაცვლილია 30 წლის მამაკაცი, რომელიც საცხოვრებელი კორპუსის მე-4 სართულიდან გადმოხტა

ვოლოსში, ქალაქის ცენტრში მცხოვრებმა 30 წლის მამაკაცმა, რომელსაც ჯანმრთელობის პრობლემები ჰქონდა, დღეს სამ საათზე,  საცხოვრებელი კორპუსის მე-4 სართულიდან გადმოხტომის შედეგად სიცოცხლე თვითმკვლელობით დაასრულა.

ვოლოსის ჰოსპიტალში ექიმების მცდელობის მიუხედავად, დაცემისას მიღებული მძიმე დაზიანებების გამო მისი  გადარჩენა ვერ მოხერხდა.

გავრცელებული ინფორმაციით, ძირს დაცემული მამაკაცი პირველად დედამ შენიშნა, რომელმაც შოკში ჩავარდნილმა სასწრაფო დახმარება გამოიძახა.

ადგილობრივი მედიის ცნობით, 30 წლის მამაკაცი, რომელიც მშობლებთან ერთად ცხოვრობდა, ჯანმრთელობის პრობლემების გამო თვითმკვლელობას წარსულშიც ცდილობდა.

თუმცა ამჯერად არ დაუტოვებია ჩანაწერი, სადაც ახსნიდა მიზეზებს, თუ რატომ გადადგა ეს საბედისწერო ნაბიჯი.