ვოლოსი: სროლა გასართობ ცენტრში, დაკავებულია რვა ადამიანი
ინციდენტი დღეს დილით, ვოლოსის ცენტრში, ღამის კლუბის წინ მოხდა, რის შედეგადაც 8 ადამიანი დააკავეს.
გავრცელებული ინფორმაციით (პოლიციას ოფიციალური განცხადებები ჯერ არ გაუკეთებია), ალბანური წარმოშობის ორი პირი სავარაუდოდ, შეეკამათა ღამის კლუბის მფლობელებს, სადაც მხიარულობდნენ და მათი დაშინების მიზნით, სროლა დაიწყეს, რის შემდეგაც საქმეში კლუბის დაცვა ჩაერია.
შედეგად ორივე დამნაშავე გაიქცა, მაგრამ კლუბის დაცვა მათ დაედევნა, რომლებმაც ალბანელებს ცეცხლი გაუხსნეს. გავრცელებული ინფორმაციით, ორიდან ერთი დაშავდა და საავადმყოფოში გადაიყვანეს.
პოლიციამ, რომელიც გამოძახების შემდეგ შემთხვევის ადგილზე მივიდა, მომხდარში მონაწილე ყველა პირი დააკავა.
Facebook Comments Box
