ვოლოსი: 55 წლის ქალს საკუთარი სახლის ეზოში გველგესლამ უკბინა

ორშაბათს, საღამოს,  დაახლოებით 7 საათზე   ვოლოსში მაცხოვრებელ 55 წლის ქალს საკუთარი სახლის ეზოში გველგესლამ უკბინა.

როგორც პრესა  იუწყება, ქალი სასწრაფოდ გადაიყვანეს ვოლოსის  ჰოსპიტალში, ხოლო მისმა მეუღლემ დაუყოვნებლივ  აცნობა სახანძრო- სამაშველო სამსახურს, რათა ქვეწარმავალი ეპოვათ  და დაეჭირათ, თუმცა  მაშველების მისვლამდე მამაკაცმა შეძლო საკუთარი ძალებით გველთან გამკლავება, მან იპოვა, მძიმე საგნით რამდენიმე დარტყმა მიაყენა და   შემდეგ ხის კასრის ქვეშ მოთავსებით  შეძლო მისი დაჭერა.

სამაშველო სამსახურის მისვლისას ქვეწარმავალი უკვე მკვდარი იყო.

დაშავებული ამ დრომდე რჩება საავადმყოფოში და მკურნალობის შესაბამის კურსს გადის.