კრიტი: თვითმფრინავმა აეროპორტში ავარიული დაშვება განახორციელა მგზავრის გამო, რომელიც ფრენის დროს შეუძლოდ გახდა

კრიტზე, ირაკლიოს  აეროპორტში სასწრაფო ავარიული დაშვება განახორციელა თვითმფრინავმა Airbus 330, რომელიც სენტ- მავრიკიდან პარიზის მიმართულებით ასრულებდა რეისს.

როდესაც აღნიშნული რეისის თვითმფრინავი საბერძნეთის საჰაერო საზღვარს  მიუახლოვდა და კონკრეტულად კი კრიტის ზემოთ აღმოჩნდა,  მგზავრებიდან ერთ-ერთმა თავი შეუძლოდ იგრძნო.

მომხდარის შესახებ მაშინვე ეცნობა მართვის ცენტრს და თვითმფრინავმა ირაკლიოს აეროპორტში  ავარიული დაშვების ნებართვა  ითხოვა.

თვითმფრინავის დაჯდომის მომენტისთვის ადგილზე  უკვე მობილიზებული იყო სასწრაფო დახმარების ბრიგადა, რომელმაც  მგზავრი საავადმყოფოში გადაიყვანა.

მგზავრის ევაკუაციის  შემდეგ თვითმფრინავი კვლავ  ასაფრენად მოემზადა, თუმცა ვერ შეძლო, რადგან აღმოჩნდა რომ მას  ტექნიკური პრობლემა ჰქონდა.

საბოლოოდ გადაწყდა აეროპორტში ჩარჩენილი  მგზავრების  ირაკლიოში, სასტუმროში გადაყვანა და დაბინავება მანამდე, სანამ  დაზიანება არ აღდგება და თვითმფრინავი ფრენის გაგრძელებას შეძლებს.