ვრცელდება ინფორმაცია უკრაინის ლიდერის ვოლოდიმირ ზელენსკის ათენში შესაძლო ვიზიტთან დაკავშირებით
მობილობის საერთაშორისო კვირეულის დაწყებასთან დაკავშირებით პრემიერ მინისტრი კირიაკოს მიცოტაკი ორშაბათს ათენში მიესალმება ბალკანეთისა და უფრო ფართო რეგიონის სახელმწიფოების ლიდერებს.
ვახშამს, რომელიც გაიმართება სასტუმრო დიდ ბრიტანეთში, ევროსაბჭოს პრეზიდენტი ჩარლზ მიშელი და კომისიის პრეზიდენტი ურსულა ფონ დერ ლაიენი დაესწრებიან.
თუმცა, ვრცელდება ინფორმაცია, რომ აღნიშნულ ვახშამს სავარაუდოდ ასევე დაესწრება უკრაინის პრეზიდენტი ვოლოდიმირ ზელენსკი, თუმცა ამის შესახებ ოფიციალურ განცხადებას არც ათენი და არც კიევი არ აკეთებს.
უკრაინულ საინფორმაციო არხებზე მთელი დღის განმავლობაში ტრიალებდა ინფორმაცია უკრაინის პრეზიდენტის ათენში ჩასვლის შესაძლებლობასთან დაკავშირებით, რომელიც ამ დღეებში ევროპულ ტურნეში იმყოფება შვედეთში, დანიასა და ნიდერლანდებში.
მაქსიმოს სასახლეს ზელენსკის სახელი არ დაუსახელებია არაფორმალური კონფერენციის მონაწილეთა შორის, თუმცა აღსანიშნავია რომ უკრაინის ლიდერი იშვიათად ანონსებს თავის გამოჩენას. აქედან გამომდინარე დიდი ალბათობით მოსალოდნელია, რომ ის ათენში ჩავიდეს და ქალაქის ცენტრალურ სასტუმროში დარჩეს.
