კუნძულ როდოსზე ხანძრის გაჩენაში ბრალდებული გერმანელი ტურისტი დააკავეს
დღეს, კუნძულ როდოსზე დააკავეს 20 წლის გერმანელი ტურისტი, რომელსაც ხანძრის განზრახ გაჩენაში ედება ბრალი.
ალკოჰოლური ზემოქმედების ქვეშ მყოფი ახალგაზრდა უცხოელი სასტუმროს თანამშრომლებმა დააფიქსირეს, როდესაც ხმელ ლერწმებს ცეცხლი გაუჩნდა ზუსტად იმ ადგილას, რომელიც ტურისტმა სულ რამდენიმე წუთის წინ დატოვა.
20 წლის ახალგაზრდა სასტუმროს ტერიტორიაზე სწრაფად მისულმა მეხანძრეებმა დააკავეს და ხანძრის ჩაქრობა დაუყოვნებლივ დაიწყეს. ამჟამად მიმდინარეობს გამოძიება, აქვს თუ არა მას საბერძნეთის ტერიტორიაზე მსგავსი ქმედება ჩადენილი წარსულშიც.
როდოსის სახანძრო სამსახურის საგამოძიებო დეპარტამენტში მიცემულ ჩვენებაში ტურისტი ამტკიცებდა, რომ ხანძარი მას არ გაუჩენია და ის შემთხვევით იმყოფებოდა ადგილზე, სადაც ის გაჩნდა.
თუმცა, მის მდგომარეობას განსაკუთრებით ამძიმებს საბერძნეთის ხელისუფლების მიერ გერმანიის ხელისუფლებისგან მიღებული ინფორმაცია, რომლის მიხედვითაც მას სამშობლოშიც ადანაშაულებდნენ ხანძრის გაჩენაში.
