ზაკინთო: ჰოლანდიელი მამაკაცი თავს დაესხა ბრიტანელს, რომელმაც ცუდი შეფასება მისცა მის ოთახებს
75 წლის ჰოლანდიელი, რომელმაც შეიტყო, რომ მისი 23 წლის შვილიშვილი სოციალურ ქსელში ეჩხუბა 49 წლის ბრიტანელ მამაკაცს, რომელიც მისგან ქირაობდა ოთახს ლაგანაში ზაკინთოში, გაბრაზდა, თავს დაესხა მას და მაჩეტეთი დაჭრა!
ყველაფერი დაიწყო 49 წლის ბრიტანელის მიერ ნაქირავები ოთახის შესახებ გაკეთებული უარყოფითი შეფასებით, საიდანაც 75 წლის ჰოლანდიელმა ის საბოლოოდ გააძევა, რასაც მოჰყვა თავდასხმა და ჩხუბი შაბათს დილით.
თავდასხმის შედეგად ბრიტანელი კისრისა და ხელების არეში დაიჭრა და სისხლით მოსვრილი გადაიყვანეს ზაკინთოს საავადმყოფოში, სადაც მას პირველადი დახმარება გაუწიეს, თუმცა ჭრილობები არ იყო მძიმე და მის სიცოცხლეს საფრთხე არ ემუქრებოდა.
ხანდაზმული თავდამსხმელი პოლიციის თანამშრომლებმა იმავე დღეს, ნაშუადღევს დააკავეს. მისი სახლიდან შემდგომი ჩხრეკისას ამოიღეს 55 სმ-იანი დანა “მაჩეტე,” ასევე ბალისტიკურ ექსპერტიზაზე გაგზავნილი რევოლვერი, საჰაერო თოფი, 19 სმ-იანი მახვილი, 21 სმ-იანი დანა და 17 სანადირო ტყვია.
75 წლის ჰოლანდიელი გადაიყვანეს ზაკინთოს პროკურატურაში, სადაც მის წინააღმდეგ სისხლის სამართლის საქმე მკვლელობის მცდელობისა და იარაღის უკანონო შენახვა- ტარების მუხლით აღიძრა.
