ზეთისხილის მოსაკრეფად მუშახელი დღიური საფასურის მომატებას ითხოვს
ზეითუნის ზეთი სულ უფრო და უფრო ძვირდება. ფასების მიღმა, რომელსაც მომხმარებლები ხედავენ თაროებზე, როგორც ჩანს, წარმოების პროცესთან დაკავშირებული უამრავი პრობლემა დგას.
ზეითუნის ზეთი უფრო ძვირად იყიდება, ვიდრე ოდესმე და მწარმოებლები მესინიიდან, კრეტამდე და ჩრდილოეთ საბერძნეთამდე ამას მათ წინაშე არსებული პრობლემებით ხსნიან. წარმოების პროცესის ღირებულების ზრდას მოაქვს საბოლოო პროდუქტზე ფასის ზრდა. წელს შრომა უფრო მკაცრია, ვიდრე ოდესმე და ხელფასები გაიზარდა. მუშები, რომელთაგან ბევრს გამოცდილება არ აქვს, ზეთისხილის მოსაკრეფად დღეში 60 ევროსაც კი ითხოვენ. მწარმოებლები ამბობენ, რომ ვერ აკმაყოფილებენ ხარჯებს და შემდგომში ფასების კიდევ ზრდას ვარაუდობენ.
ზეთისხილის კორომების მფლობელებს წელს ზეთისხილის ნაყოფის მოსაკრეფად უცხოელების პოვნა უჭირთ. მუშახელის ნაკლებობამ ზეთისხილის მოსავლის აღების დღიური ხელფასიც გაზარდა.
შედეგი, როგორც ფერმერებმა განმარტეს, არის ის, რომ ისინი ვერ ამუშავებენ მინდვრებს და მცირდება წარმოება. როგორც ისინი განმარტავენ, წარმოების ხარჯები მუდმივად იზრდება და ამას მოაქვს სუპერმარკეტების თაროებზე ზეითუნის ზეთის ფასის ზრდა.
ირაკლიოს შრომის ცენტრი, მუშახელის დეფიციტის პრობლემის გადასაჭრელად, „აწარმოებს“ პროგრამას, რომელიც უმუშევრებს აძლევს შესაძლებლობას იმუშაონ პირველ სექტორში, კონკრეტულად კი ზეთისხილის სექტორში, გადაადგილებისა და ცხოვრების ხარჯების დაფარვით.
