მთავრობის გადაწყვეტილება 1 მილიონი დაკეტილი ბინის “გახსნის” შესახებ საბინაო კრიზისის და ქირის გადასახადის შესამსუბუქებლად

საბერძნეთის მთავრობა ქვეყანაში არსებული საბინაო კრიზისის შესამსუბუქებლად და ქირის მაღალი გადასახადის შესამცირებლად, მომავალში შენობების სარემონტო სამუშაოების სუბსიდირების პროგრამების ამოქმედებას გეგმავს.

ქვეყანას ერთ სულ მოსახლეზე არსებული უძრავი ქონების ერთ-ერთი მაღალი მაჩვენებელი აქვს. ევროკავშირის მონაცემებით, მოსახლეობის 75.1% ფლობს უძრავ ქონებას სესხის გარეშე, მაგრამ საბინაო კრიზისი სახეზეა, რომელიც გამოწვეულია უძრავი ქონების ნაკლებობით, კრიზისის წლებში ნულოვანი სამშენებლო აქტივობის შედეგად და იჯარის მაღალი ფასებით. აქედან გამოსავალი შეიძლება იყოს 1 მილიონი ქონების ბაზარზე დაბრუნება, რომლებიც ამჟამად დაკეტილია, რაც კიდევ უფრო ამწვავებს პრობლემას.

პრემიერ მინისტრის მიერ მიღებული გადაწყვეტილებით, განიხილება დაკეტილი სახლების განახლებისა და ბაზარზე გატანის პროექტის დაწყება. იმის გამო, რომ ახალი საბინაო პოლიტიკა ერთ წელზე მეტია რაც ამოქმედდა, საბინაო კრიზისის შეჩერების ღონისძიების პაკეტის განხორციელებამდე რამდენიმე დღეა დარჩენილი, მთავრობის სრული გეგმა კი მიმდინარე წლის ბოლომდე ამოქმედდება.

მთავრობამ მოამზადა 2,2 მილიარდი ევროს ღირებულების პაკეტი, რომელიც განსაზღვრულია დაახლოებით მილიონი ბინის გასახსნელად და ბაზარზე გასატანად, რომელსაც მათი მფლობელები დაკეტილ მდგომარეობაში ინახავენ.

პროგრამის ფარგლებში გათვალისწინებულია დაკეტილი ქონების მფლობელების საგადასახადო, ან სხვა სახით წახალისება, რათა განაახლონ ისინი და ხელმისაწვდომი გახადონ ახალგაზრდებისთვის ხელსაყრელ ფასად.

ასევე წყვილებისთვის სახელწიფო ქონების მიწოდება გრძელვადიანი იჯარით და იჯარის გაცემა საცხოვრებელი ფართების მშენებლობის დაუყოვნებლივ დასაწყებად.