თესალონიკი: დაპირისპირება სავაჭრო ჯიხურის თანამშრომელსა და მძარცველს შორის

თესალონიკში დღეს, სამშაბათს დილის საათებში  ერთ-ერთი  სავაჭრო   ჯიხურის თანამშრომელსა და სავარაუდო მძარცველს შორის დაპირისპირება მოხდა.

თავდამსხმელი კონსტანტინოპოლეოს ქუჩაზე მდებარე ჯიხურის თანამშრომელს პნევმატური იარაღით ემუქრებოდა.

სათვალთვალო კამერით  დაფიქსირებულ  კადრებში  კარგად ჩანს, ჯიხურის თანამშრომელი და მისი მეგობარი, რომელიც  იქ იმყოფებოდა, როგორ უწევდნენ წინააღმდეგობას მძარცველს, რომელმაც სალაროდან თანხის მიცემა მოითხოვა.

როგორც  ირკვევა ჯიხურის   თანამშრომელს იარაღი  ნამდვილი  არ ეგონა, ამიტომ თამამად  შეეწინააღმდეგა  დამნაშავეს.

თვითმხილველებმა მომხდარის შესახებ პოლიციას აცნობეს, რის შემდეგაც თავდამსხმელი დააკავეს.

როგორც გამოძიებიდან გაირკვა, 45 წლის მამაკაცმა ანალოგიურად კიდევ ხუთი ყაჩაღობა ჩაიდინა ანალიფსის მიდამოში, მათგან ოთხი მსგავსი ტიპის  მაღაზიაში, ერთი კი ბენზინგასამართ სადგურზე, საიდანაც როგორც გაირკვა, ასევე იარაღის მუქარით თანამშრომელს 400 ევრო  წაართვა.