თესალონიკი: პოლიციელმა მოკლა ყოფილი ცოლი, შემდეგ კი თავი მოიკლა

თესალონიკში, კალამარიაში 42 წლის ქალი ყოფილმა ქმარმა ამ დრომდე გაურკვეველი მიზეზით სიცოცხლეს გამოასალმა.

38 წლის მამაკაცმა, რომელიც პირველადი ინფორმაციით პოლიციელი იყო, სავარაუდოდ, ქალს ცეცხლსასროლი იარაღიდან ესროლა რის შემდეგაც ის მუცლის არეში სასიკვდილოდ დაჭრა, შემდეგ კი იმავე იარაღით თავი მოიკლა. მე-6 სართულის ბინაში სროლის შესახებ პოლიციას მეზობლებმა აცნობეს.

მათი ცხედრები კომნინოს 27-ში მდებარე ბინაში დაახლოებით 8:15 საათზე იპოვეს.

მამაკაცმა დილით, მკვლელობამდე, ბავშვები სკოლაში წაიყვანა, უკან დაბრუნებულმა კი მოკლა ყოფილი ცოლი და შემდეგ თავი მოიკლა.

გავრცელებული ინფორმაციით, ქალი უკვე გარდაცვლილი იყო, როდესაც შემთხვევის ადგილზე მივიდა სასწრაფო დახმარების მანქანა ექიმთან ერთად, ცოტა მოგვიანებით კი ექიმისა და მაშველების მცდელობის მიუხედავად, 38 წლის მამაკაციც გარდაიცვალა. მათ ორი საერთო შვილი ჰყავდათ.

ბავშვები სკოლაში იმყოფებიან და მათი ინფორმირებისთვის ფსიქოლოგების დახმარება ითხოვეს.

პოლიციის წყაროების ცნობით ყოფილი ცოლქმრის მხრიდან არ ყოფილა განაცხადი გაკეთებული ოჯახური პრობლემების შესახებ და არც ქალის მხრიდან დაფიქსირებულა რაიმე პრეტენზია მუქარის ან ძალადობრივი ქცევის შესახებ.

მომხდარის გასარკვევად შემთხვევის ადგილზე გაგზავნილია სალონიკის დანაშაულების დეპარტამენტის სამმართველოს ჯგუფი.