Latest news
ისტორიული ვიდეო პოლიტექნიკური უნივერსიტეტის აჯანყების პირველი წლისთავიდან იცით თუ არა რომ მოძრაობის წესების დარღვევისას ქვეითებიც ჯარიმდებიან ირაკლიო: რატომ ჰქონდა 18 წლის ბავშვს საწვავით სავსე ბოთლთან წვდომა საბერძნეთის სახელმწიფო საბჭოს ვიცე პრეზიდენტი: არ ვიზიარებ მერების წინასწარ უარყოფით დამოკიდებულებას ზეფირი: „კოლეგის გადარჩენა ვცადე, მაგრამ ჟანგბადი გამითავდა“  კოლონოს: ილიას მიხოსი სასამართლოში გადაიყვანეს ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის...
ორშაბათი, ნოემბერი 16, 2026
საბერძნეთი

სისხლიანი დაპირისპირება ლუცაში-დაღუპულია ექვსი ადამიანი

უპრეცედენტო დანაშაული მოხდა გუშინ ლუცაში. არიონოს და აკროპოლეოს ქუჩების კვეთაზე მოულოდნელად სროლა დაიწყო. შეტაკების შედეგად ექვსი ადამიანი დაიღუპა.

ეს იყო ანგარიშსწორება ორი განსხვავებული ბანდის წევრებს შორის. უშიშროების სამსახურის წარმომადგენლების განცხადებით, სისხლიანი ანგარიშსწორების ბრძანება ალბანური მაფიის ლიდერების მიერ ციხიდან გაიცა.

გამოძიების შედეგად დადგინდა, რომ გარდაცვლილებს ყალბი პასპორტები ჰქონდათ, ხოლო ერთ მანქანას ყალბი გერმანული ნომრები ჰქონდა მიმაგრებული.

ატიკის უშიშროების სამსახურის სისხლის სამართლის დანაშაულის განყოფილების თანამშრომლები მკვლელობის დამკვეთების და უშუალოდ შემსრულებლების ვინაობის დადგენაზე მუშაობენ, რომლებიც ასევე ავტომანქანით და მოტოციკლეტით გადაადგილდებოდნენ და დანაშაულის ადგილიდან დაუყოვნებლივ გაუჩინარდნენ.

მკვლელობის მსხვერპლთაგან ხუთი გერმანულ სანომრე ნიშნიან მანქანაში იპოვეს, ხოლო მეექვსე მამაკაცი მანქანის გვერდით სასიკვდილოდ დაჭრილი იწვა.

ჯერ კიდევ დაუდგენელია სროლები იყო ორმხრივი თუ  ადგილი ჰქონდა მხოლოდ ცივსისხლიან სიკვდილით დასჯას. ადგილზე აღმოჩენილია პისტოლეტის 9მმ-იანი ტყვიები. სავარაუდოდ თავდამსხმელები ჩასაფრებულები იყვნენ  და არაერთხელ ისროლეს. სხვა დეტალებთან ერთად პოლიცია იკვლევს არის თუ არა დაკავშირებული ეს ხოცვა-ჟლეტა ნარკოტიკებით ვაჭრობასთან და გამოძალვასთან.

პოლიცია ასევე ეძებს ყალბი გერმანული სანომრენიშნიანი ავტომანქანის მფლობელს და შეტაკების შედეგად გარდაცვლილთა იდენტიფიცირებას ცდილობს.

ფაქტზე წინასწარი გამოძიება ატიკის უშიშროების სამმართველოში დაიწყო.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *