თესალონიკი: 60 წლის ექიმმა თავის დაწვა სცადა

სალონიკის ადგილობრივი საზოგადოება შოკირებულია   დღეს დილით მომხდარი მორიგი თვითმკვლელობის ფაქტით, 60 წლის ექიმმა თავის დაწვა სცადა.

გავრცელებული პირველადი ინფორმაციით, შემთხვევა პევკის მიდამოებში დღეს, დილის 08:00 საათზე  გაურკვეველ ვითარებაში, 60 წლის მამაკაცის საცხოვრებელი სახლის  მიმდებარე ტერიტორიაზე მოხდა.

შემთხვევის ადგილზე სასწრაფოდ მივიდა სასწრაფო სამედიცინო  დახმარების მანქანა და დამწვარი მამაკაცი  სალონიკის  პაპანიკოლაუს საავადმყოფოში გადაიყვანეს.

ამავე ინფორმაციით, თესალონიკის საავადმყოფოს 60 წლის ექიმს სხეულის 80%-ის პირველი ხარისხის დამწვრობა აღენიშნება და მისი ჯანმრთელობის მდგომარეობა ამ დროისთვის  კრიტიკულია.

ჯერჯერობით უცნობია თუ რა გახდა თვითმკვლელობის მცდელობის მიზეზი.

მომხდარს  ნეაპოლი-სიკეონის პოლიციის დეპარტამენტი იძიებს.